Ermek Kenjehanuly Aýyl sharýashylyǵy vıtse-mınıstri bolyp taǵaıyndaldy

ASTANA. KAZINFORM – Ermek Kenjehanuly Aýyl sharýashylyǵy vıtse-mınıstri bolyp taǵaıyndaldy. Bul týraly Úkimettiń baspasóz qyzmeti habarlady.

«Qazaqstan Respýblıkasy Úkimetiniń qaýlysymen Ermek Kenjehanuly Aýyl sharýashylyǵy vıtse-mınıstri qyzmetine taǵaıyndaldy», - delingen habarlamada.

Ermek Kenjehanuly 1988 jyly Túrkistan oblysynda dúnıege kelgen. Redıng ýnıversıtetiniń (Ulybrıtanııa) aýyl sharýashylyǵy fakýltetin «agrobıznes menedjment» mamandyǵy boıynsha jáne Adjý (Koreıa) ýnıversıtetin bitirgen. Prezıdenttik jastar kadrlyq rezerviniń múshesi.

Eńbek jolyn 2011 jyly «QazAgro ulttyq basqarýshy holdıngi» AQ-da menedjer bolyp bastaǵan.

2013 jyly – «Arqa ınvestıtsııalyq basqarmalyq kompanııasy» AQ-nyń basqarma basshysy.

2013-2014 jyldary – Qaraǵandy oblysy Aqtoǵaı aýdany ákimi apparatynyń basshysy.

2014-2015 jyldary – QR Aýyl sharýashylyǵy mınıstrliginiń basqarma basshysy.

2015-2018 jyldary – Aqtóbe oblysynyń týrızm jáne syrtqy baılanystar basqarmasy basshysy.

2018-2019 jyldary – Aqtóbe oblysynyń aqparattandyrý jáne syrtqy baılanystar basqarmasynyń basshysy.

2019-2021 jyldary – Aqtóbe oblysy, Mártók aýdanynyń ákimi.

2021-2022 jyldary – Aqtóbe oblysy ákiminiń orynbasary.

2022 jyldan bastap osy ýaqytqa deıin Túrkistan oblysy ákiminiń orynbasary bolyp qyzmet etti.