Ermegııaevtiń tárkilengen kólikterin mınıstrler men depýtattar minýi múmkin
ASTANA. QazAqparat - «Astana EKSPO-2017» Ulttyq kompanııasynyń burynǵy tórǵasyTalǵat Ermegııaevtiń qymbat kólikterin kez kelgen adam satyp ala alady.
EKSPO-nyń eks-basshysynan tárkilengen 3 birdeı temir tulpar aýktsıon arqyly satylymǵa shyǵarylǵaly jatyr.
Qazir táýelsiz baǵalaý kompanııasy Ermegııaevtiń 2 «Lexus» djıpi men «Mercedes-Benz S 500» markaly kóligin baǵalaýda. Jobamen olardyń naryqtaǵy quny 30 mıllıon teńge bolýy múmkin. Bul Astanadaǵy eki bólmeli páterdiń quny. Biraq, mashınalar birinshi Úkimet, mınıstrlikter men ákimdikterge usynylady. Eger memlekettik mekemelerge Ermegııaevtiń kólikteri qajet bolmasa, onda elektrondy aýktsıon arqyly satylymǵa shyǵarylmaq. ıAǵnı, eks-tóraǵaǵa tıesili bolǵan qymbat kólikterdi kez kelgen adamnyń satyp alýyna múmkindigi bar.
Eske salsaq, bıyl maýsymda Talǵat Ermegııaev 14 jylǵa sottalǵan edi. Sýdıa onyń kólikterinen bólek, Almaty men Astanadaǵy jer ýchaskelerin, páterin, bankterdegi jeke shotyn, birneshe kompanııasyn tárkilegen. 2017 jyly Astanada ótetin halyqaralyq kórmege bıýdjetten bólingen mıllıardttardy jymqyrǵany úshin sottalǵan Ermegııaev, qazir Astanadaǵy Shanhaı bazarynyń janynda ornalasqan qatań tártiptegi túrmede jazasyn óteýde.
«Biz olardy www.gosreestr.kz veb-portalyna qoıamyz. 15 kún portalda bolady. Elektrondy aýktsıon birinshi baǵany kóterý ádisimen ótedi, birinshide satylmasa, baǵany tómendetý ádisimen ótedi. Oǵan Qazaqstannyń kez kelgen jeke jáne zańdy tulǵalary qatysa alady», - deıdi Astana qalasy memlekettik múlik jáne jekeshelendirý departamentiniń bólim bastyǵy Ernur Qaıyrbek.
«KTK» telearnasy.
