Ermahan Ibraımovtyń júldesine arnalǵan bokstan VI halyqaralyq týrnır ótedi
ALMATY. KAZINFORM - Almatyda aldaǵy 20-24 aqpan aralyǵynda bokstan Olımpıada chempıony, Qazaqstanǵa eńbek sińirgen sport sheberi Ermahan Ibraımovtyń júldesine arnalǵan qyzdar (jasóspirimder men jastar) arasynda bokstan VI halyqaralyq týrnır ótedi.
Atalǵan týrnır Alataý bókterindegi «Almaty» Olımpıadalyq daıarlaý ortalyǵynda ótpek.
Jarystyń ashylý saltanaty 20 aqpan kúni saǵat 14.00-de bolady.
Týrnırge 2006-2007 jáne 2008-2009 jyly Mońǵolııa, Qytaı, Qyrǵyzstan, Ózbekstan, Tájikstan jáne Qazaqstannyń ár óńirinen 200-den asa búldirshin qyzdar ózara myqtyny anyqtaıtyn bolady. Jasóspirimder 13, jastar 12 salmaq dárejesinde synǵa túspek.
Halyqaralyq týrnırdiń negizgi maqsaty - túrli elderdiń boks mektepteriniń ókilderi arasynda dostyq baılanys pen tájirıbe almasýdy nyǵaıtý; qatysýshylarǵa óz sheberlik deńgeıin, sondaı-aq olardyń biliktiligin arttyrýǵa múmkindik berý (óz salmaq dárejesi boıynsha jeńimpazdarǵa Qazaqstan Respýblıkasynyń sport sheberine úmitker ataǵy beriledi).
Jeńimpazdar men júldegerlerdi marapattaý rásimi fınaldyq matchtardan keıin birden 24 aqpanda ótedi, dep josparlanýda.
Jarysty Almaty oblysynyń dene shynyqtyrý jáne sport basqarmasy, Almaty oblystyq sporttyq-buqaralyq is-sharalar ortalyǵy, Almaty oblysynyń áýesqoı jáne kásipqoı boks federatsııasy, «Almaty» Olımpıadalyq daıarlaý ortalyǵy uıymdastyryp ótkizedi.
