Ermaǵanbet Bólekpaev Qaraǵandy oblystyq fýtbol qaýymdastyǵynyń prezıdenti bolyp saılandy
ASTANA. KAZINFORM — Qaraǵandy oblystyq fýtbol qaýymdastyǵynyń prezıdenti bolyp óńir ákimi Ermaǵanbet Bólekpaev saılandy. Bul týraly Qaraǵandy oblysynyń ákimdigi málim etti.
Oblys basshysy oblystaǵy fýtbol qozǵalysyn jandandyrýǵa jáne «Shahter» FK-yn Premer-lıgaǵa qaıtarýǵa kómektesetin mindetterdi alǵa qoıdy.
Ermaǵanbet Bólekpaev balalar men jasóspirimder fýtbolyn damytý boıynsha jumysty kúsheıtýdi tapsyrdy. Ol úshin Temirtaý, Balqash jáne Saran stadıondarynyń bazasynda «Shahter» FK fılıaldary ashylady. Bul fýtbol klýbyna óz sportshylaryn tárbıeleýge jáne áleýeti joǵary oıynshylardy klýb akademııasyna irikteýge múmkindik beredi.
Qaraǵandy oblystyq fýtbol qaýymdastyǵynyń prezıdenti bolyp óńir ákimi Ermaǵanbet Bólekpaev saılandy. Oblys basshysy oblystaǵy fýtbol qozǵalysyn jandandyrýǵa jáne «Shahter» FK-yn Premer-lıgaǵa qaıtarýǵa kómektesetin mindetterdi alǵa qoıdy.
Ermaǵanbet Bólekpaev balalar men jasóspirimder fýtbolyn damytý boıynsha jumysty kúsheıtýdi tapsyrdy. Ol úshin Temirtaý, Balqash jáne Saran stadıondarynyń bazasynda «Shahter» FK fılıaldary ashylady. Bul fýtbol klýbyna óz sportshylaryn tárbıeleýge jáne áleýeti joǵary oıynshylardy klýb akademııasyna irikteýge múmkindik beredi.
Balalar men jasóspirimder komandalary arasynda týrnırler, sondaı-aq shahter men metallýrg kúnderi sııaqty óńir úshin mańyzdy merekelerge oraılastyrylǵan matchtar uıymdastyrylady. Bul da jas daryndy fýtbolshylardy izdeýge kómektesedi.
Eske salaıyq, Qaraǵandyda ÝEFA standarttaryna sáıkes zamanaýı stadıon, jyl boıy jattyǵýǵa arnalǵan fýtbol manejin salý josparlanýda. Sonymen qatar, bıyl oboys ortalyǵynda bas stadıondy jáne óńirdiń birqatar qalalaryndaǵy stadıondardy jańǵyrtý josparlanǵan.
Eske sala keteıik, buǵan deıin fýtzaldan Qazaqstan quramasynyń burynǵy bapkeri jańa qyzmetke kelgenin jazǵan bolatynbyz.