Erlik Sertaı — semserlesýden Gran-prı týrnıriniń kúmis júldegeri atandy
ASTANA. KAZINFORM — Majarstan astanasy Býdapesht qalasynda ótip jatqan semserlesýden sapy saıysy boıynsha Gran-prı týrnırinde qazaqstandyq Erlik Sertaı kúmis medal jeńip aldy, dep habarlaıdy Sportty damytý dırektsııasynyń baspasóz qyzmeti.
Aqtyq synda otandasymyz jarys qojaıyny, majarstandyq Davıd Nadmen kezdesip, 12:15 esebimen qarsylasyna jol berdi.
Aıta keteıik, bedeldi dodaǵa 49 elden 352 er jáne 282 áıel sportshy qatysyp jatyr.
Qazaqstan quramasy bul jarysta tolyq qurammen óner kórsetip jatyr. Bas bapker — Alekseı Pıstsov.
Erler quramynda:
- Elmır Álimjanov,
- Vadım Sharlaımov,
- Kırıll Prohodov,
- Erlik Sertaı,
- Kırıll Pavlov,
- Aleksandr Fedotov
- jáne Nıkıta Jýlınskıı baq synaýda.
Osyǵan deıin Brazılııadaǵy álem chempıonatynda qazaqstandyq Nurmuhammed Jaılybaı qylyshtasýdan qola medalǵa ıe bolǵanyn jazǵanbyz.
