Erlıng Holand Norvegııa quramasynyń sapynda tarıhı nátıjege qol jetkizdi

ASTANA. KAZINFORM – Erlıng Holand XXI ǵasyrda álem chempıonatynyń irikteý kezeńinde penta-trık (bir matchta 5 gol) salǵan alǵashqy oıynshy boldy. 

Championat.com basylymynyń habarlaýynsha, buǵan deıin 1977 jyly aýstrııalyq oıynshy Hans Krankl Malta qaqpasyna 5 gol salyp, penta-trık jasaǵan.

Osy iri jeńisten keıin Norvegııa 15 upaımen I tobynda kósh bastady. Odan keıingi oryndarda Italııa (9 upaı), Izraıl (9), Estonııa (3) jáne Moldova (0) quramalary tur.

Norvegııa fýtbolshylary kelesi oıynyn 11 qazan kúni Izraılge qarsy ótkizedi. Oıyn Oslodaǵy «Ýllevol» stadıonynda ótedi.

Holand Norvegııa quramasynda 2019 jyldan beri oınap júr. Ol osy ýaqytqa deıin 45 kezdesýge qatysyp, 48 gol soqqan.

Eske sala keteıik, Marokko men Týnıs fýtboldan 2026 jylǵy álem chempıonatyna joldama aldy.