Erli-zaıyptylardyń aıyrylysý kórsetkishi artyp keledi - QR Statıstıka agenttigi
ASTANA. 15 mamyr. QazAqparat - Búginde erli-zaıyptylardyń aıyrylysý kórsetkishi ósip otyr.
Búgin Astanada ótken baspasóz máslıhatynda QR Statıstıka agenttiginiń tóraǵasy Álıhan Smaıylov osylaı aıtty.
Onyń habarlaýynsha, sońǵy úsh aıdyń ishinde nekeni buzý oqıǵalary 6,4 paıyzǵa jıilep ketken. Bala týý deńgeıi ótken jylmen birdeı, al nárestelerdiń ólim-jitimi 12 paıyzǵa qysqardy. «Qańtar-mamyr aılarynda AHAT organdary 34 myń nekeni qıdy. Bul ótken jyldyń atalǵan kezeńimen salystyrǵanda, 3 paıyzǵa artyq. Alaıda 11,6 myń otbasynyń tuz-dámi jaraspady. Qazirgi tańda erli-zaıyptylardyń aıyrylysý oqıǵalarynyń sany artyp otyr», - deıdi Á.Smaıylov.
