Erli-zaıyptylar súıikti ıtin ólimge qımaı, klonyn jasatty
ASTANA. QazAqparat - Argentınalyq erli-zaıyptylar súıikti ıti ólgennen keıin zerthanaǵa tapsyrys berip, onyń klonyn jasap shyǵarýǵa sheshim qabyldaǵan.
Oǵan aqshany da aıamady, dep habarlaıdy QazAqparat álemdik buqaralyq aqparat quraldaryna silteme jasap.
Ittiń aty - Entonı. Ol 17 jasqa kelip óldi. Zerthana mamandary odan alynǵan genetıkalyq materıaldyń negizinde klon-kóshirmeni jasap shyǵardy. Ekvadorlyq Comercio portalynyń habarlaýynsha, súıikti ıtiniń klonyn jasaý úshin Býenos-Aırestiń turǵyndary 60-100 myń AQSh dollaryn tóledi.
Klondalǵan ıt aǵymdaǵy jyly shilde aıynda jasap shyǵaryldy. Alaıda ǵalymdar klondaý jumystarynyń sátti ótkenin búgin ǵana jarııalap otyr. Sebebi ıttiń kóshirmesin jasaý protsedýrasy birneshe memlekette jasalǵan.
Aıta keteıik, janýarlardyń klondaý tájirıbesi alǵash ret 1996 jyly iske asqan bolatyn. Sol kezde Dollı atty eshkini klondap shyǵardy. Al 2005 jyly Ońtústik Koreıada alǵash ret Snýppı atty ıt klondaldy.
