Erli-zaıyptylar meıramhanada 500 eýroǵa tapsyrys berilgen tiri shaıandardy bostandyqqa jiberdi
ASTANA. 4 shilde. QazAqparat - Sardınııadaǵy kýrortta demalyp jatqan Germanııadan kelgen jup tamaqtaný úshin shaıannan jasalǵan asqa tapsyrys bergen.
Olardyń tiri ekendikterin bilgen nemister artynsha shaıandardy bosatýdy jón kóripti.
Meıramhananyń bas aspazshysy áıeldiń birden shaıandarǵa nazar aýdarǵanyn aıtady. Ol aspazshyǵa baryp, «shaıandar tiri me» dep surap, satyp alý múmkindigi jaıly bilipti. Osyǵan oraı meıramhana 500 eýroǵa delıkatesti satýǵa kelisim bergen. Bul týraly Lenta.ru habarlaıdy.
Nemis jubyna bostandyqta bul shaıandardyń tiri qalý múmkindigi az dep eskertilgenimen, týrıster olardy bosatýǵa sheshim qabyldaǵan. Shaıandar arnaıy qorapqa salynyp, artynsha teńizge jiberildi.
«Bul jerde jumys istep jatqanyma on jyl boldy, biraq mundaı oqıǵany eshqashan kórgen joqpyn», - dedi tańdanysyn jasyra almaǵan meıramhana qojaıyny, dep jazady Eýrazııa birinshi arnasy.
