Erli-zaıyptylar lotoreıadan 96 mln. dollar utty
ASTANA. QazAqparat - Biraz ýaqyt buryn, Ulybrıtanııada ulttyq lotoreıa oınatyldy, onda oıynshylardyń biri djek-pot utty. Rekordtyq somany shaǵyn Hoık qalasynda turatyn erli-zaıyptylar ıelendi.
Bul tırajda olar Lotto lotoreıasynan barlyq alty nómirdi dál tapty. Olardyń bıletinde 66 mln fýnt (96 mln dollar) utys bolǵan. Jergilikti BAQ habarlaǵandaı, erli-zaıyptylar sórelerinde baqytty bılet jatqanynan beıhabar bolǵan. Olarǵa utys kestesi boıynsha bıletti tekserýge usynys jasaǵan dosy eken.
Joly bolǵysh bılet ıesi buǵan deıin Borders Care and Repair kompanııasynda egde adamdar men múgedekterge medıtsınalyq jabdyq ornatýmen aınalysqan. Endi ol jumysynan shyǵyp, jaıly ómir súrýdi tańdady.
