Erli-zaıyptylar balasynyń artyq salmaǵy úshin qamaldy
ASTANA. QazAqparat - Norflok qalasynda polıtsııa 15 jasar balanyń ata-anasyn qamaýǵa aldy. Jetkinshektiń ata-anasy balasynyń densaýlyǵyna jaýapkershiliksiz qarady degen kúdikke ilindi.
Atap aıtqanda, balanyń boıy 154 santımetr, al salmaǵy 105 keliden asady eken. Aǵylshyndardyń zańnamasynda bundaı jaǵdaı balaǵa qatygezdikpen qaraǵanmen teńestiriledi. Osy oraıda erli-zaıyptylar qylmyskerler retinde aıyptalýy múmkin.
Alaıda, balanyń ata-anasy uldarynyń densaýlyǵyn udaıy baqylap otyratynyn, sondaı-aq jetkinshektiń artyq salmaǵy gendik qalyptasýyna baılanysty ekenin alǵa tartýda.
«Balam árqashan da iri deneli boldy jáne týǵanda da osyndaı salmaqty boldy. Meniń týystarymnyń barlyǵy tolyq deneli. Qansha tyrysqanymyzben, artyq salmaǵymyzdy túsirýge qaýqarsyzbyz»,-deıdi ákesi.
Ulybrıtanııa halqynyń densaýlyǵy boıynsha komıssııanyń málimetine qaraǵanda, 2013 jyly koroldiktegi 2-den 15 jasqa deıingi balalardyń 28 paıyzynda artyq salmaq baıqalǵan, dep jazady Rosbalt.
