Erli-zaıypty zeınetkerlerdi óltirgen qostanaılyq sottaldy
QOSTANAI. QazAqparat - Eki zeınetkerdi pyshaqtap óltirgen Qarasý aýdanynyń turǵyny 23 jylǵa sottaldy, dep habarlaıdy QazAqparat oblystyq sottyń baspasóz qyzmetine silteme jasap.
Іs materıaldarynda kórsetilgendeı, qaıǵyly oqıǵa 2018 jylǵy naýryz aıynda bolǵan.
«Qostanaı oblysy Qarasý aýdanynyń turǵyny alkogol satyp alýǵa aqshasy bolmaı, ishimdik satatyn úıdegi erli-zaıypty zeınetkerge pyshaqpen qaraqshylyq shabýyl jasaıdy. Aýyr dene jaraqaty saldarynan, zeınetkerler oqıǵa ornynda kóz jumdy», - delingen oblystyq sottyń baspasóz habarlamasynda.
Qostanaı oblysy qylmystyq ister jónindegi mamandandyrylǵan aýdanaralyq sotynyń úkimimen er adam kináli dep tanyldy. Oǵan 23 jyl bas bostandyǵynan aıyrý jazasy taǵaıyndaldy.
