Erli-zaıypty zeınetkerlerdi óltirdi degen kúdikpen er adam ustaldy
ASTANA. QazAqparat - Pavlodar oblysynyń Baıanaýyl aýdanynda kisi qolynan kóz jumǵan erli-zaıypty 76 jáne 78 jastaǵy zeınetkerlerge qatysty kúdikti ustaldy, dep habarlaıdy «QazAqparat» HAA tilshisi Pavlodar oblysynyń ІІD baspasóz qyzmetine silteme jasap.
Vedomstvonyń habarlaýynsha, 17 aqpan kúni Baıanaýyl aýdanynyń Maıqaıyń aýylyndaǵy úılerdiń birinen 76 jastaǵy er adam men onyń 78 jastaǵy zaıybynyń máıiti tabylǵan. Máıitterden zorlyq belgileri anyqtalǵan. Oqıǵa ornynda quqyq qorǵaýshylar jumys júrgizip, qylmystyń betin ashý úshin qylmystyq polıtsııanyń tájirıbeli qyzmetkerleri izdeý jumysyna kirisken.
Oblystyq ishki ister departamentiniń habarlaýynsha, qandy oqıǵanyń mán-jaıyn anyqtaýǵa 200-ge jýyq quqyq qorǵaýshy jumyldyrylǵan. Polıtsııaǵa sonymen birge «Maıkaınzoloto» kombınatynyń jumysshylary men aýyl turǵyndary kómektesken.
«Jedel izdestirý sharalary barysynda quqyq qorǵaýshylar kúdiktini qolǵa túsirdi. Kúdikti kóz jumǵan egde adamdarmen bir kóshede turǵan 27 jastaǵy er adam bolyp shyqty. Turaqty aılyǵy bolmaı, aqshaǵa zárý bolǵan ol zeınetkerlerde aqshanyń baryn bilip, úılerine kelgen. Tabaldyryqtan attaı sala ol úı ıesi men áıelin birneshe ret pyshaqtaǵan. Úıden aqsha taba almaǵannan keıin bank kartochkalaryn alyp ketken», - dep habarlaıdy ІІD baspasóz qyzmetinen.
Polıtsııa qylmys jasalǵan pyshaqty taýyp alǵan. Qazirgi ýaqytta qajeti saraptama jumystary taǵaıyndalyp, qylmystyq is tergelý ústinde. Kúdikti qamaýǵa alynǵan.
Foto: riabir.ru
