Erlerge qoıylatyn talapty biz de oryndaımyz - polıtsııa kapıtany Aııda Aqtanbaı
«Arnaıy kúshter týraly aıtatyn bolsaq, biz bul salada árdaıym batyl, fızıkalyq turǵydan daıyndalǵan er adamdar qyzmet etedi dep oılaımyz. Alaıda, rasynda olaı emes, arnaıy jedel áreket etý jasaǵynyń quramynda názik jandy arýlar da bar. Bul qyzmet qyz-kelinshekter úshin óte qıyn. Biraq ta, soǵan qaramastan arýlarymyz erlerdiń qolynan keletin istiń oıdaǵydaı atqarýda. Ony polıtsııa kapıtany Aııda Aqtanbaı aıqyn dáleldep keledi», - dep bólisti óńir polıtsııa departamentiniń baspasóz hatshysy Ásem Ábdirahmanova.
Bolashaq ofıtser 1995 jyly Shymkent qalasynda dúnıege kelgen. Ákesi temirjolshy, al anasy jergilikti aýrýhanada jumys isteıdi. Qyzynyń ómirin ishki ister organdaryndaǵy qyzmetpen baılanystyrý týraly sheshimin ata-anasy birden qoldaǵan. Balalyq armany jetelegen Aııda QR ІІM beıindik oqý ornyna túsýge bel býady. Nátıjesinde 2012 jyly Aııda Aqtóbe qalasyndaǵy M.Bókenbaev atyndaǵy zań ınstıtýtynyń kýrsanty atanady.
«Árıne, anam bastapqyda Otan qorǵaýshylar qataryna jibergisi kelmedi. Óıtkeni, maǵan týǵan úıimnen alys ketýge, beıtanys qalada kazarmalyq jaǵdaıda turýym kerek boldy. Bul anamdy alańdatty. Degenmen, men alǵa qoıǵan arman-maqsatymnan taımadym. Ústime áskerı kıim kıgen saıyn ózimdi eresek sezinip, jaýapkershiligim arta tústi», - deıdi Aııda.
Polıtsııa kapıtany ınstıtýt qabyrǵasynda oqyp júrgen kezderin erekshe jylylyqpen eske alady.
«Instıtýt qabyrǵasynda ómirimniń tórt jyly umytylmastaı ótti dep nyq senimmen aıta alamyn. Biz tek bilim alyp qana qoımaı, kezekshilikke tústik, tazalyq jumystaryn júrgizdik, ashanaǵa kómektestik, saptyq, atys daıyndyǵymen aınalystyq, jattyǵyp, kóńildi jáne belsendi ýaqyt ótkizdik», - dep jalǵastyrdy keıipkerimiz.
2016 jyly polıtsııa leıtenanty ataǵymen Aııda Kókshetaýǵa keldi. Dál osy jerde jas tergeýshi qyzmettik boryshyn óteýge jiberildi.
«Aııda eńbek jolyn bastaǵan bólim jumysy qıyn bólimderdiń biri sanalady. Munda múliktik qylmystardy tergeý kerek. Osy rette, belgilengen jumys kestesi, kúndelikti kezekshilik, tergeýshiniń kúndelikti jumysy sııaqty qıyndyqtardan Aııda bas tartqan joq. Bálkim, boıjetkenniń erjúrek jaýynger bolýyna tabandylyq, qaısarlyq, tártiptilik sııaqty jeke qasıetteri yqpal etken bolar», - dep bólisti Á.Ábdirahmanova.
2020 jyly Aııda basqa 10 qyzdan turatyn arnaıy jedel áreket etý jasaǵynyń quramyna shaqyryldy. Qyzdardy bólimshe komandıri polıtsııa maıory Berik Nurǵalıev jattyqtyrdy.
«Іshki ister mınıstrliginiń delegatsııasy úshin biz qarýdy qoldana otyryp, ózin-ózi qorǵaýdyń jaýyngerlik tásilderin kórsettik. Ol joǵary deńgeıde boldy. Osylaısha men arnaıy jedel áreket etý jasaǵynda jumys isteýdi sheshtim», - dep qosty Aııda.
Polıtsııa kapıtany 2021 jyldyń qańtarynda arnaıy jedel áreket etý jasaǵyna alyndy.
«Jattyǵý kezinde jeńildikter bar ma?» degen suraqqa Aııda bólimshede nusqaýshylar jasyna, jynysyna nemese fızıkalyq jaǵdaıyna jeńildikter jasamaıtyn, ár qyzmetker ár mınýt saıyn jaýyngerlik daıyndyqta bolýy kerek ekenin aıtady.
«Jumystan bos ýaqytymda kıkboksıngpen aınalysamyn, júgirgendi unatamyn, zańnamadaǵy sońǵy ózgerister men tolyqtyrýlardy qarap otyramyn. Eń bastysy - maqsatyńyzǵa jetý, kóp jumys isteý jáne odan lázzat alý», - dep túıindedi Aııda.
