Erlerge qaraǵanda áıelder jylyna 39 kún artyq jumys isteıdi - zertteý
ASTANA. QazAqparat - Erlermen salystyrǵanda, áıelder kúnine 50 mınýt jáne jylyna 39 kún artyq jumys isteıdi delingen Búkilálemdik ekonomıkalyq forýmnyń zertteýinde. Bul týraly Bı-bı-sı habarlady.
Eseptemedegi málimetter boıynsha sońǵy on jylda álemdegi jumys isteıtin áıelder sany shırek mıllıardqa ulǵaıǵan, mundaı qarqynmen jumystaǵy genderlik teńsizdikti tolyq joıý úshin kem degende 170 jyl qajet.
Baıandamada kóptegen áıelder kúndelikti tegin aınalysatyn úı sharýalary eskerilgen. Osy faktordy esepke ala otyryp, ǵalymdar áıelderdiń jylyna 39 kún artyq jumys isteıtinin anyqtady.
Ózge elderde, máselen, Úndistan, Protýgalııa, Estonııada áıelder erlerden 50 kún artyq jumys isteıdi. Bir jaǵynan, keıbir elderde tipti áıelderdiń úı sharýasyna qatysty da keri tendentsııa baıqalýda: Japonııa men Nıderlandyda erler áıelderden jarty saǵat artyq jumys isteıdi.
Aqy tólenetin jumysqa kelsek, erler orta eseppen 39% artyq eńbektenedi.
2014 jyly jarııalanǵan Búkilálemdik ekonomıkalyq forýmnyń zertteýinde sońǵy on jylda áıelderdiń saıasat pen iskerlik ómirge aralasý múmkindikteriniń kóbeıgeni, álem boıynsha genderlik teńdiktiń sezile bastaǵany jazylǵan edi.
