Erlerge qaraǵanda áıelder kóp temeki tartatynyn baıqap júrmiz – mınıstr

Densaýlyq saqtaý mınıstri Ajar Ǵınııat elimizde veıpterge tyıym salý josparyna qatysty túsinik berdi, dep habarlaıdy Kazinform.

«Bul baǵyttaǵy qadamdar halyqtyń densaýlyǵyn saqtaýǵa ońtaıly áser etedi. Qazir erkekterge qaraǵanda áıelder kóp temeki tartatynyn baıqap júrmiz. Áıelderdiń temekige táýeldiligi qaýipti. Sebebi ár anaǵa ult densaýlyǵynyń tikeleı qatysy bar», – dedi Ajar Ǵınııat Májiliste tilshiler suraǵyna jaýap bere otyryp. Sonymen qatar mınıstr qazir balalar da eresekterge eliktep, atalǵan veıpterdi shegip jatqanyn aıtty.

«Osy veıpti óndirýsheler ózderiniń naryǵyn balalar esebinen keńeıtýge tyrysyp jatqan sııaqty kórinedi. ıAǵnı hosh ıistendirgishterdi, túrli-tústi qaptamalardy paıdalanyp jatyr. Qazir álem elderinde bul zııandy ónimmen kúres úlken máselege aınalǵan. Sebebi halyq densaýlyǵyna eleýli zııan keltirip jatyr», - dedi vedomstvo basshysy.

Buǵan deıin, 11-15 jastaǵy jasóspirimderdiń 10 paıyzy turaqty túrde veıp shegetini aıtylǵan edi. 

Elektrondy temeki kádimgi temeki sekildi densaýlyqqa zııandy. Ony sondaı-aq temeki ónimi dese bolady.