Erlerdiń etke qumarlyǵynyń syry anyqtaldy
ASTANA. 24 qarasha. QazAqparat - Zertteýshilerdiń aıtýynsha, et jeý erlerge ózin naǵyz erkek retinde sezinýge yqpal etedi.
Qalaı bolǵanda da bul paıym AQSh-tyń erlerine dóp keletin sııaqty. Óıtkeni bul elde et patrıarhat sımvoly bolyp tabylady, dep málim etedi Bellarmın ýnıversıtetiniń ǵalymy Henk Rotgerber.
Ásirese, bul erlerdiń qoǵamdyq oryndarda et jeýi barysynda barynsha ózekti bola túsedi. Sebebi ol osylaısha adamdar aldynda óziniń erkektigin dáleldeı túsedi-mys. Amerıkandyq qaýymdaǵy mundaı belgi áli kúnge deıin kóptegen amerıkandyqtyń etten bas tarta almaýymen túsindiriledi, dep atap ótedi MSNBC.
Bul rette aıta keterligi, dárigerler kóp et jeý rak, júrek syrqaty syndy kóptegen aýrýlarǵa jol ashady dep málimdegen bolatyn.
Bellarmın ýnıversıtetinde júrgizilgen alǵashqy zertteý jumystaryna - 125, al ekinshisine 89 stýdent qatysqan. Anyqtalǵany, er-azamattardyń basym bóligi etti súısine jep, maldyń azap shegetindigin joqqa shyǵarǵan.
