Erlerden áıelder kóp: Qyrǵyzstanda halyq sany artty

ASTANA. KAZINFORM — Qyrǵyz Respýblıkasynyń halqy 2026 jylǵy 1 aqpandaǵy jaǵdaı boıynsha 7 413,6 myń adamǵa jetti. Bul týraly Ulttyq statıstıka komıteti habarlady, dep jazady Kabar.

Jalpy halyq sanynyń ishinde erler 3 668,6 myń adamdy, áıelder — 3 745,0 myń adamdy quraıdy.

Aýyldyq jerde 4 277,9 myń adam turady, al qaladaǵy halyq sany 3 135,7 myń adamǵa jýyqtaıdy.

Óńirler boıynsha:

Osh oblysy — 1 440,2

Jalal-Abad oblysy — 1 381,8

Bishkek — 1 360,7

Chúı oblysy — 984,6

Batken oblysy — 606,3

Ystyqkól oblysy — 554,7

Osh — 485,7

Naryn oblysy — 316,5

Talas oblysy — 283,1

Eske salsaq, Ulttyq statıstıka komıtetiniń málimetinshe, 2025 jylǵy 1 qańtarda respýblıka halqynyń sany 7 mln 282 myń adam bolǵan.

Budan buryn 2025 jyly shamamen 170 myń Qyrǵyzstan azamaty shetelge jumys isteý úshin ketkenin jazǵan bolatynbyz.