Erler men áıelderdiń ómir súrý jasyndaǵy aıyrmashylyq turǵysynan Qazaqstan Ortalyq Azııada 1-shi, al álemde 4-orynda - Nıkolaı Botev
ALMATY. 7 shilde. QazAqparat /Erlik Erjanuly/ - Qazaqstanda ómir súrýdiń uzaqtyǵy qazir 68,4 jasqa deıin jetti. Bul búgin Almatyda ótip jatqan "Ortalyq Azııadaǵy ólim-jitim" dep atalatyn halyqaralyq semınarda aıtyldy.
"Erler men áıelderdiń ómir súrý jasyndaǵy aıyrmashylyq jaǵynan Qazaqstan Ortalyq Azııada birinshi, al álemde tórtinshi orynda tur. Ómir súrý uzaqtyǵy jaǵynan Qazaqstan áleýmettik-ekonomıkalyq jaǵdaıynyń joǵarylyǵyna qaramastan Ózbekstan, Qyrǵyzstan, Tájikstannan keıin 4-shi satyda kele jatyr", - deıdi BUU-nyń halyq qonystanýy qorynyń sýbaımaqtyq keńsesiniń dırektory Nıkolaı Botev. Onyń aıtýynsha, Ortalyq Azııadaǵy 5 eldiń ishinde bul kórsetkish jaǵynan Qazaqstan tek Túrikmenstannan 1 saty joǵary tur.
