Erler arasyndaǵy kishi fýtboldan jáne voleıboldan vedomstvolyq chempıonat márege jetti - Bas Prokýratýra

ASTANA. QazAqparat - Qazaqstan Respýblıkasynyń Tuńǵysh Prezıdenti kúni, prokýratýra organdarynyń qurylǵan kúni jáne Táýelsizdik kúnine arnalǵan prokýratýra organdary mekemeleriniń komandalary arasynda Bas prokýratýra uıymdastyrǵan sporttyq jarystar óz jalǵasyn tabýda.

Búgin erler arasyndaǵy kishi fýtboldan jáne voleıboldan vedomstvolyq chempıonat aıaqtaldy, dep habarlaıdy Bas prokýratýranyń baspasóz qyzmeti.

Bas Prokýrordyń qurama komandasy kishi fýtboldan chempıonattyń jeńimpazy jáne Bas Prokýror Kýbogynyń ıegeri bolyp tanyldy, ekinshi oryndy Jambyl oblysy prokýratýrasynyń komandasy jeńip aldy. Úshinshi júldeli oryndy Qaraǵandy oblysy prokýratýrasynyń jáne Bas áskerı prokýratýranyń komandalary enshiledi.

Erler arasyndaǵy voleıbol oıynynyń qorytyndysy boıynsha týrnırdiń jeńimpazy jáne Bas Prokýror Kýbogynyń ıegeri bolyp Shyǵys Qazaqstan oblysy prokýratýrasynyń komandasy tanyldy. Ekinshi oryndy Quqyqtyq statıstıka jáne arnaıy esepke alý jónindegi komıteti ıelense, Aqmola oblysy prokýratýrasynyń komandasy úshinshi oryndy qanaǵat tutty.

Júldeli oryndar alǵan komandalarǵa kýboktar, gramotalar men estelik medaldar tabys etildi. Nomınatsııalardyń úzdikteri gramotalarmen jáne baǵaly syılyqtarmen marapattaldy.

Bas prokýratýranyń basshylyǵy prokýratýra organdarynda sportty damytýda jáne salaýatty ómir saltyn nasıhattaýda osyndaı jarystyń mańyzdy ról atqaratynyn atap ótti. Jarystardy ótkizýdiń basty mańyzdylyǵy sol - olar ujymdyq tatýlyqty nyǵaıtady, prokýrorlar qaýymdastyǵynyń birligi men uıymshyldyǵyna oń yqpal etedi.