Erler arasyndaǵy fýtboldan álem chempıonatynda alǵash ret áıel tóreshi qyzmet atqarady

ASTANA. QazAqparat - Frantsııalyq Stefanı Frappar erler arasyndaǵy fýtboldan álem chempıonatynda bas tóreshi qyzmetin atqaratyn alǵashqy áıel atanady, dep habarlaıdy QazAqparat tilshisi.

Ol 1 jeltoqsanda E tobyndaǵy úshinshi týrda Germanııa jáne Kosta-Rıka kezdesýine tóreshilik jasaıdy. Oǵan meksıkalyq Karen Dıas pen brazılııalyq Neýza Bakk áıel tóreshiler alań jıeginde kómekshi bolady.

Stefanı Frappar 1993 jyly dúnıege kelgen. 2011 jyldan beri tóreshilik qyzmetin atqaryp keledi. 2019 jyly Frantsııada ótken áıelder arasyndaǵy AQSh pen Nıderlandy oıynynda tóreshi boldy.

E tobynda ekinshi týrdan keıin Ispanııa (tórt upaı) kósh bastap tursa, Japonııa men Kosta‑Rıka enshisinde úsh upaıdan bar. Al Germanııa bir upaımen kósh sońynda keledi.

Álem chempıonatyna odan ózge Salıma Mýkasanga (Rýanda) jáne Ioshımı ıAmasıta (Japonııa) syndy áıel tóreshiler keldi.

Óz tarıhynda 22 márte jalaýyn kótergen dúbirli dodada barlyǵy 36 tóreshi qyzmet etýde.

Sýret: Fifa.com