Erler arasyndaǵy estafeta jarysynda qazaqstandyq shańǵymen baǵdarlaýshylar Azııa chempıondary atandy
ATY. 5 aqpan. QazAqparat /Erlik Erjanuly/ - Búgin Aq Azıada aıasynda Soldat saıdaǵy shańǵy-bıatlon stadıonynda shańǵymen baǵdarlaýdan erler arasyndaǵy estafeta jarysynda el namysyn Aleksandr Babenko, Aslan Toqbaev jáne Mıhaıl Sorokın qorǵady.
Olar máre syzyǵyn 56:12 sekýndta birinshi bolyp kesip ótti. Jeńimpazdardan 6:20 sekýndqa keshikken ırandyqtar (Bijan Kangarloo, Yasin Shemshaki, Seyed Sattar Seyd) 7-qysqy Azııa oıyndarynyń kúmis júldegeri atandy. Al Mońǵolııa quramasy (Gerelt-Od Bayaraa, Byambadorj Bold, Barkhuu Erdenechimeg) 1:27:13 sekýndtyq ýaqyt kórsetkishimen qola júldeni oljalady. 4-5 oryndy Qyrǵyzstan (Igor Gýsev, Andreı Savınıh, Tamerlan Jumabekov) men ońtústik koreıalyqtar (Younsun Son, Koangmin Jang , Byungsik Hong) bólisti.
Buǵan deıin QR Shańǵymen baǵdarlaý federatsııasynyń prezıdenti Vladımır Telnov: «maqsatymyz aıqyn - tek altyn alý. Komandamyzdyń basty qarsylasy - sportshylarymyzdyń ózi. Sońǵy núktelerge tabysty jetý tek solarǵa baılanysty. Jalpy, quramamyzdyń kóńil-kúı tamasha, Azıadada alty ret jeńimpaz atandyq, bizdiń shańǵy baǵdarlaý sportynda áli barlyq altyndy utyp alýǵa tolyq múmkindigimiz bar», degen bolatyn. Sportshylar senimdi aqtady. Olardyń jeńisti jolyn odan ary jalǵastyrǵan áıelder komandasy da Azııa chempıony atandy.
