Erler arasynda 10000 metrge konkımen júgirýden koreı sportshysy Sıýng Hýn Lı Azııa rekordyn jańartty
ASTANA. 5 aqpan. QazAqparat /Marlan Jıembaı/ - Aq Azıada aıasyndaǵy jarysta qazaqstandyq sportshy Dmıtrıı Vabenko elordadaǵy Konkımen júgirý stadıonynda ótken erler arasyndaǵy 10000 metrlik jarysta kúmis júldege ıe boldy.
Al baıraqty básekeniń altyn medali Azııa rekordyn jańartqan koreı sportshysy Sıýng Hýn Lıge buıyrdy. Ol atalǵan jarys jolyn 13 mınýt 9,74 sekýndta baǵyndyryp, 7-Qysqy Azıada oıyndarynyń chempıony atandy. Al ekinshi oryn 10000 metrdi 13 mınýt 30,28 sekýndta júgirip ótken Dmıtrıı Babenkonyń enshisinde. Jeńimpazdar úshtigin 13 mınýt 34,97 sekýndtyq kórsetkishpen japon sportshysy Hırokı Hırako tuıyqtady.
Aıta keteıik, buǵan deıin elordada ótip jatqan 7-Qysqy Azıada oıyndary barysynda konkıshiler 7 márte Azııa rekordyn jańartqan bolatyn. Al buǵan deıingi erler arasyndaǵy 10 000 metrge konkımen júgirýden Azııa rekordy koreı sportshysy Sıýng Hýn Lıge tıesili edi. ıAǵnı bul sportshy Astanada óz rekordyn jańartýǵa múmkindik aldy.
