Erlan Jetibaev Qazaqstan SІM resmı ókili bolyp taǵaıyndaldy

ASTANA. KAZINFORM — ​​Erlan Jetibaev Qazaqstan SІM Halyqaralyq aqparat komıtetiniń tóraǵasy – Resmı ókili atandy, dep habarlaıdy vedomstvonyń baspasóz qyzmeti.

1984 jyly 15 jeltoqsanda Qaraǵandy qalasynda dúnıege kelgen.

2006 jyly L. N. Gýmılev atyndaǵy Eýrazııa ulttyq ýnıversıtetin bitirgen.

Eńbek jolyn 2006 jyly Qazaqstan Respýblıkasy Syrtqy ister mınıstrliginiń Konsýldyq qyzmet departamentinde maman retinde bastaǵan.

2009 jyly QR Qarjy mınıstrliginiń Memlekettik aktıvterdi basqarý metodologııasy, ishki qarjylyq baqylaý jáne bıýdjettik nesıelendirý departamentiniń sarapshysy bolyp jumys istedi.

2009-2011 jyldary QR SІM Ákimshilik jáne baqylaý departamentinde úshinshi hatshy qyzmetin atqardy.

2011-2017 jyldary Qazaqstannyń Taılandtaǵy Elshiliginde ekinshi, birinshi hatshy laýazymdarynda eńbek etti.

2017 jyly QR SІM EKSPO-2017 Hatshylyǵynyń birinshi hatshysy, keıin QR SІM Azııa jáne Afrıka departamentiniń birinshi hatshysy qyzmetinde jumys istedi.

2018-2020 jyldary «Halyqaralyq jasyl tehnologııalar jáne ınvestıtsııalyq jobalar ortalyǵy» KeAQ Qamtamasyz etý qyzmeti hatshylyǵynyń basshysy, Halyqaralyq yntymaqtastyq jáne klımattyq ınvestıtsııalar departamentiniń dırektory qyzmetterin atqardy.

2020-2023 jyldary QR SІM Baspasóz qyzmetinde keńesshi jáne basshy, 2023-2025 jyldar aralyǵynda QR SІM Kommýnıkatsııalar departamenti dırektorynyń orynbasary boldy.

QR SІM Halyqaralyq aqparat komıtetiniń tóraǵasy — Resmı ókili bolyp taǵaıyndalǵanǵa deıin 2025 jylǵy naýryz aıynan bastap QR SІM Kommýnıkatsııalar departamentiniń dırektory qyzmetin atqardy.

II synypty Keńesshi dıplomatııalyq dárejege ıe. 

Aǵylshyn jáne túrik tilderin meńgergen. 

Budan buryn Aqmola oblysy boıynsha ishki memlekettik aýdıt departamentiniń basshysy taǵaıyndalǵanyn jazdyq.