Erlan Əýkenov Almaty qalasy əkiminiń orynbasary qyzmetine taǵaıyndaldy
E.Əýkenov jańa jumys ornynda ındýstrıaldy-ınnovatsııalyq damý, saýda, ShOB, týrızm, tabıǵatty paıdalaný məselelerimen aınalysatyn bolady. Esterińizge sala keteıik, osyǵan deıin Almaty qalasy ákiminiń orynbasary laýazymynda bolǵan Erbol Shormanov basqa jumysqa aýysýyna baılanysty bul qyzmetten ketti.
Erlan Muratuly Áýkenov Almaty qalasynda týylǵan. Ál-Farabı atyndaǵy Qazaq ulttyq ýnıversıtetiniń ekonomıka fakýltetin «Memlekettik jáne jergilikti basqarý» mamandyǵy boıynsha támamdaǵan. «Bolashaq» baǵdarlamasy boıynsha Bredford (Ulybrıtanııa) ýnıversıtetin «Memlekettik saıasat» mamandyǵy boıynsha bitirgen. Halyqaralyq Bıznes Akademııasyn «Korporatıvti menedjment» mamandyǵy boıynsha támamdaǵan, MVA dárejesi bar.
2002 jyldan 2007 jylǵa deıin bıznes qurylymdar men úkimettik emes uıymdarda jumys istegen.
2007 jyldan 2008 jylǵa deıin «Samǵaý» Ulttyq ǵylymı-tehnıkalyq holdıngtiń aktıvterin basqarý jónindegi departament dırektorynyń orynbasary bolǵan.
2008 jyldan 2010 deıin Bilim jáne ǵylym mınıstrliginiń kómekshisi, keıin Bilim jáne ǵylym mınıstrligi departamentiniń dırektory qyzmetterin atqarǵan.
2010 jyldan 2011 jylǵa deıin Shyǵys Qazaqstan oblysy ákimi apparatynda basshy qyzmetterde bolǵan.
2011 jyldan 2014 jyldyń sáýirine deıin QR Prezıdent Ákimshiliginde memlekettik ınspektor laýazymynda (Qaraǵandy oblysy men QR Indýstrııa jáne jańa tehnologııalar mınıstrligine jetekshilik etken) bolǵan.
2014 jyldyń sáýirinen Soltústik Qazaqstan oblysy ákiminiń kásipkerlikti damytý, ónerkásip, syrtqy ekonomıkalyq baılanys jáne týrızm máseleleri boıynsha orynbasary qyzmetin atqardy.
