Erlan Turǵymbaev jalǵan aqparat taratqandar jaýapkershilikke tartylatynyn aıtty
NUR-SULTAN. QazAqparat - Іshki ister mınıstri Erlan Turǵymbaev jalǵan aqparat taratqandar jaýapkershilikke tartylatyny týraly aıtty. Bul týraly QazAqparat Polisia.kz saıtyna silteme jasap habarlaıdy.
Ol áleýmettik jelide taratylǵan jalǵan aqparattarǵa monıtorıng júrgizilip otyratynyn aıtty.
«Men ushaq, tikushaqpen vırýs pen bıohımııalyq qarý sebilip jatqany týraly aqparat - jalǵan aqparat ekenin aıtqanmyn. Bul, árıne, ótirik jáne arandatýshylyq. ІІM Tergeý departamenti osy fakti boıynsha sotqa deıingi tergeý amaldaryn bastap ketti. Tekserý barysynda bul jaǵdaı shetelde órt sóndirý barysynda bolǵany anyqtaldy. Buǵan ushaqtaǵy taný belgileri, órt sóndirý kóligindegi nómir jáne órt sóndirýshilerdiń aǵylshyn tilinde sóıleýi dálel bola alady», – deıdi Erlan Turǵymbaev.
Ol mundaı tehnıka Qazaqstanda joq ekeni jáne qoldanylmaıtynyn aıtty.
«Sol sebepti azamattardy memlekettik organdardyń resmı derekterine ǵana senýdi jáne jalǵan, rastalmaǵan aqparatty taratpaýǵa shaqyramyn», - deıdi mınıstr.
