Erlan Turǵymbaev turmystyq zorlyq-zombylyq baǵytyndaǵy problemalardy aıtty
NUR-SULTAN. QazAqparat – Turmystyq zorlyq-zombylyq baǵatyndaǵy qylmystardyń 80 paıyzy azamattardyń jeke úılerinde oryn aldy. Bul týraly Senattaǵy Úkimet saǵatynda Іshki ister mınıstri Erlan Turǵymbaev málim etti, dep habarlaıdy QazAqparat tilshisi.
«Pandemııa kezeńinde órshigen qylmystyq jalǵyz túri - ol turmystyq zorlyq-zombylyq. Shyn máninde adamdar tuıyq keńistikte shektelip, barlyq qylmystar otbasynyń ishinde oryn aldy. ıAǵnı osy qoǵamdyq qatynas sektory polıtsııa tarapynan tıisti qadaǵalaýdan ajyrap qaldy. Biz barlyq kúshimizdi kóshelerge, blokposttarǵa, karantındik is-sharalarǵa jumyldyrdyq», - dedi E. Turǵymbaev senatorlardyń suraǵyna jaýap bere otyryp.
Onyń aıtýynsha, sońǵy kezderi otbasylardaǵy ónegelik baılanystarda kemshilik baıqalyp otyr.
«Oqshaýlaný jaǵdaıynda adamdardyń uzaq ýaqyt boıy otyrýy, sondaı-aq spırttik ishimdikterge salynýy zorlyq-zombylyqtyń 80 paıyzy jeke baspanada jasalýyna alyp keldi. Qylmystardyń basym bóligi jaqyn qarym-qatynasta bolǵan adamdardyń tarapynan boldy», - dedi mınıstr.
Osy oraıda ol balalarǵa qatysty qylmystardy kóbine jaqyn baılanysta bolǵan adamdar jasaǵan. Balalar olarǵa senimmen qaraǵan.
Vedomstvo basshysynyń sózine qaraǵanda, keı kezderde balanyń anasy ózimen birge turatyn er adamdy qorǵaý maqsatynda polıtsııaǵa qarama-qaıshy túsinikteme berip jatady.
«Qoǵam ishki ister organdary tıisti sharalar qabyldamaı jatyr dep jıi synǵa alyp jatady. Sonymen birge, bul máselede barsha qoǵamnyń, qoǵamdyq uıymdardyń, Densaýlyq saqtaý, Bilim jáne ǵylym mınıstrlikteriniń birikkeni mańyzdy. Bizge psıhologtar kerek», - dedi E. Turǵymbaev.
Budan buryn habarlanǵandaı, mınıstr elimizde ýchaskelik ınspektorlardyń ókilettigi qalaı keńeıtiletinin túsindirdi.
