Erlan Turǵymbaev Túrkııa Jandarmerııa Bas qolbasshysynyń orynbasary Zafer Kochpen kezdesti
«Іshki ister mınıstri Erlan Turǵymbaev Túrkııa Respýblıkasy Jandarmerııa Bas qolbasshysynyń orynbasary Zafer Kochpen kezdesip, ekijaqty yntymaqtastyqty talqylady. Kezdesý Túrkııa Respýblıkasy jandarmerııa delegatsııasynyń Qazaqstan Respýblıkasyna jumys sapary aıasynda ótti. Kezdesý barysynda mınıstr Memleket basshysynyń dostyq pen ózara túsinistik rýhynda qarqyndy damyp kele jatqan Qazaqstan-Túrkııa qarym-qatynastary jáne keń aýqymdy máseleler boıynsha ortaq kózqaras týraly sózderin tilge tıek etti», - dedi Nurdildá Oraz mınıstrliktiń baspasóz alańynda ótken dástúrli brıfıng barysynda.
Onyń aıtýynsha, kezdesýge qatysýshylar arasynda qylmysqa qarsy kúres jáne qoǵamdyq tártipti saqtaý salasyndaǵy ekijaqty yntymaqtastyqtyń jaı-kúıi men perspektıvalary týraly aıtyldy.
«Erlan Turǵymbaev bul úshin qajetti sharttyq-quqyqtyq baza qurylǵanyn atap ótti. Budan buryn Qazaqstan men Túrkııa ІІM arasynda qaýipsizdikti qamtamasyz etý salasyndaǵy ózara yntymaqtastyq týraly hattamaǵa qol qoıylǵan. Taraptar kezdesý barysynda qoǵamdyq tártipti qorǵaý salasyndaǵy yntymaqtastyqty, terrorızmge qarsy operatsııalar boıynsha birlesken kýrstar ótkizýdi, kadrlardy daıarlaý jáne biliktiligin arttyrý salasynda tájirıbe almasýdy, kýrstyq daıarlyqty uıymdastyrýdy jáne ózara is-qımyldyń basqa da máselelerin talqylady», - dedi ol.
Resmı ókildiń atap ótýinshe, kelissózder qorytyndysy boıynsha ekijaqty yntymaqtastyqty jandandyrý týraly ýaǵdalastyqqa qol jetkizildi.
