Erlan Turǵymbaev polıtsııa qyzmetkerlerin kásibı merekelerimen quttyqtady
NUR-SULTAN. QazAqparat - QR Іshki ister mınıstri Erlan Turǵymbaev ishki ister organdarynyń qyzmetkerlerin kásibı merekelerimen quttyqtady, dep habarlaıdy QazAqparat tilshisi.
«27 jyl buryn Qazaqstan Respýblıkasynyń Joǵarǵy keńesi «Іshki ister organdary týraly» Zań qabyldady. Bul táýelsiz memleketimizdiń tarıhyndaǵy polıtsııa qyzmeti úshin quqyqtyq alań qalyptastyrǵan, ishki ister organdarynyń mindetteri men qyzmetterin aıqyndaǵan birinshi akti boldy. Іshki ister organdary óziniń qalyptasý jolyndaǵy aýyrtpalyqqa toly joldy eńsere otyryp, quqyqtyq tártipti qamtamasyz etý jáne qylmyspen kúrestegi birqatar kúrdeli máselelerdi sheshe aldy. Jyldan jylǵa polıtsııanyń jańa sulbasy qalyptasyp keledi. Biz jańa standarttarǵa boı túzeı otyryp, ishki ister organdaryn uıymdastyrýdy sapaly jańa deńgeıge birtindep kóterip kelemiz», - dedi Erlan Turǵymbaev.
Osy kúni Іshki ister mınıstriniń buıryǵymen ishki ister organdarynyń birqatar qyzmetkeri «Quqyq tártibin qamtamasyz etýge qosqan úlesi úshin» medalimen marapattaldy. Sondaı-aq qyzmetin adal atqaryp, paryzyn minsiz oryndaǵan polıtsııa qyzmetkerlerine qurmet gramotalary men merziminen buryn ataqtar berildi.
