Erlan Turǵymbaev polıtsııa qataryndaǵy Olımpıada júldegerlerin marapattady

NUR-SULTAN. QazAqparat - Qazaqstan Respýblıkasy Táýelsizdiginiń 30 jyldyǵyna oraı QR Іshki ister mınıstrliginde saltanatty is-shara ótti. Vedomstvo basshysy Erlan Turǵymbaev sportshylardy marapattady, dep habarlaıdy QazAqparat Polisia.kz saıtyna silteme jasap.

Dene shynyqtyrý men sportty damytýǵa qosqan zor úlesi, joǵary sporttyq jetistikteri úshin mınıstr 42 sportshyǵa medaldar, tósbelgiler, gramotalar men alǵys hattar tabys etti.
ІІ dárejeli «ІІO úzdigi» tósbelgisimen qazaqstandyq dzıýdoshy, Rıo-de-Janeırodaǵy Olımpıada oıyndarynyń kúmis júldegeri, Tokıo Olımpıadasynyń qola júldegeri Eldos Smetov, «Quqyq tártibin qamtamasyz etýge qosqan úlesi úshin» medalimen erkin kúres sheberi, Tokıo Olımpıadasynyń qola júldegeri Nurıslam Sanaev jáne aýyr atlet, úsh dúrkin álem chempıony, Tokıo Olımpıadasynyń qola júldegeri Zúlfııa Chınshanlo marapattaldy.

ІІM basshysy polıtseılerdiń sporttaǵy úzdik jetistikterin atap ótip, quttyqtaý lebizin bildirdi. Ol sportshylarǵa taýsylmas qýat pen jańa jeńister tiledi.
Saltanatty shara QR Ulttyq ulany án-bı ansambliniń jáne ártisterdiń qatysýymen arnaıy daıyndalǵan kontserttik baǵdarlamaǵa ulasty.