Erlan Turǵymbaev polıtseılerdi materıaldyq turǵyda yntalandyrýdy tapsyrdy
NUR-SULTAN. QazAqparat – QR Іshki ister mınıstrligi tótenshe jaǵdaı rejıminde jumys istep jatqan qyzmetkerlerin yntalandyrýǵa 653 mln teńge bóldi, dep habarlaıdy QazAqparat.
«Koronavırýs ınfektsııasynyń taralýyna baılanysty elimizdiń ishki ister organdarynyń jeke quramy erekshe jumys rejımine aýystyryldy. Polıtseıler, áskerı qyzmetshiler, azamattyq qorǵaý qyzmetkerleri quqyqtyq tártipti, asa mańyzdy obektiler men halyqtyń tynys-tirshiligin, kóliktiń jumys isteýin qamtamasyz etetin nysandardy qorǵaý jáne karantındik sharalar júrgizý boıynsha táýlik boıy qyzmet atqarady», - delingen QR ІІM baspasóz qyzmetiniń málimetinde.
Osyǵan rette Іshki ister mınıstri Erlan Turǵymbaev tótenshe jaǵdaı kezinde jumys istep jatqan polıtseılerdi kótermeleý týraly sheshim qabyldaǵan.
«Biz qyzmetkerlerimizdiń qaısarlyǵy men jaýapkershiligin kórip otyrmyz. Olar barlyq qazaqstandyqtar úshin osy kúrdeli kezeńde kúndiz-túni óziniń qyzmettik boryshyn jáne el basshylyǵy qoıǵan mindetterdi oryndap keledi. Tótenshe jaǵdaı rejımin qamtamasyz etýge qatysatyn qyzmetkerler materıaldyq turǵyda yntalandyrylady. Bul maqsatqa Іshki ister mınıstrligi 653 mln teńge bóldi», - dep atap ótti ІІM basshysy.
Aıta keteıik, tótenshe jaǵdaı kezinde elimizde 8 myńnan astam polıtseı qoǵamdyq tártipti kúzetýde.
