Erlan Turǵymbaev polıtseıler jaqyn arada oryndaýy tıis 8 mindetti anyqtady
Vedomstvo baspasóz qyzmetiniń málimetinshe, beınekonferentsııa baılanys rejıminde ótken jıynda ishki ister organdarynyń 1-toqsanyndaǵy qyzmetiniń qorytyndylary, sondaı-aq Memleket basshysynyń qoǵamdyq qaýipsizdikti qamtamasyz etý salasyndaǵy tapsyrmalaryn iske asyrý jónindegi sharalar qaralǵan.
«Onda krımınogendik jaǵdaıdyń jaqsarýynyń oń dınamıkasy atap ótildi. Jyl basynan beri qylmys deńgeıi 13 %-ǵa tómendedi.
Paıdakúnemdik jáne zorlyq-zombylyq qylmysynyń sany aıtarlyqtaı azaıdy. Qylmystyq quqyq buzýshylyqtardyń kóptegen túrleriniń ashylýy jaqsardy. Qoǵamdyq oryndar men kóshelerdegi qaýipsizdik deńgeıi artty», delingen habarlamada.
Sondaı-aq, tonaý, buzaqylyq, urlyq, qoǵamdyq oryndar men kóshelerdegi, sondaı-aq kámeletke tolmaǵandar jasaǵan qylmystar sany úshten birge azaıǵan. Buryn sottalǵan adamdar jáne mas kúıinde jasalǵan kisi óltirý, qaraqshylyq sany qysqardy.
Sonymen qatar, ІІM basshysy otbasylyq-turmystyq qatynastar, ınternet-alaıaqtyq salasyndaǵy qylmystarǵa, sondaı-aq jol qaýipsizdiginiń jaı-kúıine nazar aýdardy.
«Іshki ister organdarynyń basty mindetteriniń biri - quqyq buzýshylyqtyń aldyn alý jáne qaýipsiz qoǵamdyq orta qurý. Quqyqtyq tártipti qamtamasyz etýdiń nysandary men ádisterin jetildirý, sondaı-aq halyqpen baılanysty jalǵastyrý qajet» – dedi Erlan Turǵymbaev.
Alqa jumysynyń qorytyndysy boıynsha mınıstr aldaǵy kezeńge polıtsııa qyzmetiniń eki negizgi baǵyty – quqyq buzýshylyqtardyń aldyn alý jáne qylmysqa qarsy kúres boıynsha mindetterdi belgiledi.
Quqyq buzýshylyq profılaktıkasy salasynda:
neǵurlym krımınogendi ýchaskelerde statsıonar beket ornatý, sondaı-aq úıler aýlasynda, saıabaqta, skver jaıaý patrýldeý esebinen «jurtqa jaqyn polıtsııa» qaǵıdatyn iske asyrýdy qamtamasyz etý;
qoǵamdyq oryndarda, eldi mekenderde jáne joldarda polıtsııanyń jedel basqarý ortalyqtarymen yqpaldasa otyryp, zııatkerlik qaýipsizdik júıelerin damytý boıynsha sharalar qabyldaý;
ýchaskelik polıtsııa pýnktteri jelisin damytýdy qamtamasyz ete otyryp, ýchaskelik ınspektorlar qyzmetiniń jaraqtandyrylýyn arttyrý;
jol qozǵalysy qaýipsizdigi men jol ınfraqurylymyn baqylaýdy kúsheıtý;
qylmystyq-túzeý mekemelerinde jappaı beınebaqylaý engizý.
Qylmysqa qarsy kúres máseleleri boıynsha:
qylmystyq protsestiń úsh býyndy modeline kóshý boıynsha júrgizilip jatqan jumys sheńberinde sotqa deıingi tergep-tekserýdiń sapasy men ashyqtyǵyn jaqsartý;
kıberqylmyspen kúres bólimshelerin bilikti IT-mamandarymen, ınternet-alaıaqtyqqa qarsy tıimdi is-qımyldy qamtamasyz ete otyryp, qazirgi zamanǵy baǵdarlamalyq-tehnıkalyq jabdyqtarmen nyǵaıtý;
esirtki qylmysyna qarsy kúresti kúsheıtý, sıntetıkalyq esirtkilerdiń, onyń ishinde ınternet-resýrstar arqyly taralýynyń jolyn kesý jóninde sharalar qabyldaý.
«Azamattardyń konstıtýtsııalyq quqyqtaryn qorǵaý jáne qoǵamdyq qaýipsizdik osy mindetterdi tıisinshe oryndaǵan jaǵdaıda qamtamasyz etiledi», - dep atap ótti ІІM basshysy. Іshki ister organdaryn reformalaý sheńberinde jeke quram sany 10,5 myń birlikke, basshy laýazymdar sany 1,5 myńǵa qysqartylǵan.
Jalpy, ІІO jańǵyrtý boıynsha Jol kartasynyń 127 pýnktiniń 90-y iske asyryldy.
ІІM basshysy mınıstrlik Memleket basshysynyń polıtsııa jumysynyń servıstik modelin qurý, azamattardyń qaýipsizdigi men konstıtýtsııalyq quqyqtaryn qorǵaýdy qamtamasyz etý jáne ishki ister organdary qyzmetiniń tıimdiligin arttyrý jónindegi tapsyrmalaryn oryndaý boıynsha jumysty jalǵastyratynyn atap ótti.
