Erlan Turǵymbaev mıtıngilerdegi «kettlıng» ádisi týraly aıtty
«Shynynda da, biz birneshe ret ruqsat etilmegen mıtıngiler ótken jerlerdi qursaýladyq. Biraq, basqa elderdiń polıtsııasyna qaraǵanda biz sý atqyshtaryn, jaryq-shý granatalaryn jáne basqa da arnaıy quraldardy qoldanbadyq. Bizdiń polıtseıler árdaıym qarýsyz, taıaqsyz, gazsyz turady jáne óz fızıkalyq kúshimen ǵana atalǵan quqyqbuzýshylyqtardyń jolyn kesedi», - dep jaýap berdi E. Turǵymbaev Ortalyq kommýnıkatsııalar qyzmetinde tilshi suraǵyna.
Sonymen qatar, ІІM basshysy zorlyq-zombylyq bolmaǵanyn aıtty.
«Biz barlyq azamattarǵa qorshaýdan shyǵýǵa múmkindik berdik, kúshteý-azaptaý bolǵan joq. Olarǵa sý men tamaq usynyldy. Onda esh zorlyq-zombylyq bolǵan joq. Mundaı sharalar árdaıym jedel járdem kóligimen jáne dárigerlermen qamtamasyz etiledi», - deıdi Erlan Turǵymbaev.
Mınıstrdiń aıtýynsha, qazaqstandyq nusqaýlyqtarda bul uǵym «Adamdar toby qoǵamdyq tártipti buzyp jatqan oryndardy qursaýlaý» dep atalady.