Erlan Turǵymbaev qos azamattyqqa jol bermeý máselesi týraly aıtty
NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.
Kelisimge 2019 jylǵy 27 qarashada Qyrǵyz Respýblıkasynyń astanasy Bishkekte qol qoıyldy.
«Bul qujat azamattyq týraly aqparat almasýǵa, zańsyz kóshi-qonmen kúresýge múmkindik beredi. Naqty aıtsaq, statıstıka men aqparat almasýǵa múmkindik bar. Azamattar týraly jeke aqparat alýǵa bolady. Eki el úkimetteri tájirıbe almasyp, bir-birine tájirıbelik kómek kórsetedi. Qazaqstan men Qyrǵyzstan azamattarynyń quqyqtyq mártebesi anyqtalady. Kóshi-qon salasyndaǵy qylmystarmen kúresip, zańsyz arnalardy joıýǵa múmkindik beredi», - dedi QR Іshki ister mınıstri Erlan Turǵymbaev.
Onyń aıtýynsha, Qyrǵyzstan Parlamenti kelisimdi 2021 jyly 17 aqpanda bekitti. Ótken jyly Qazaqstanǵa Qyrǵyzstannan 281 myńnan astam adam keldi, al osy jyly eki aıda 22 myńnan asty. Qazaqstannan 175 myń azamat kórshi elge barǵan, sondaı-aq bıyl eki aıda 20 myńnan asty.
«Qazirgi kezde Іshki ister mınıstrligi kóshi-qon boıynsha 23 halyqaralyq kelisimdi bekitti. Halyqaralyq deńgeıde taǵy da 8 kelisim daıyndalyp jatyr. Osy qujattar nátıjesinde zańsyz kóshi-qon boıynsha aqparat almasý jolǵa qoıyldy. Adamdardy basqa elderge qaıtarý máselesi sheshildi. Sheteldikterdiń Qazaqstan bolý merzimi anyqtalady. Qos azamattyqqa jol bermeý máseleleri sheshildi», - dedi mınıstr.
