Erlan Turǵymbaev ishki ister organdaryndaǵy reformalar týraly aıtty
«Ózderińiz biletindeı, 2018 jyly Elbasy ishki ister organdaryn keń aýqymdy reformalaýdy bastady. Bıyl 1 qyrkúıekte Memleket basshysy óziniń halyqqa Joldaýynda polıtsııa qyzmetin qyzmettik modelge aýystyrýdy tapsyrdy. Prezıdent tapsyrmalarynyń maqsaty - halyqtyń senimine ıe ishki ister organdarynyń zamanaýı tehnologııalyq júıesin qurý. Reformalardyń negizgi quraly 2019-2021 jyldarǵa arnalǵan ishki ister organdaryn jańǵyrtýdyń Jol kartasy boldy», - dedi QR Іshki ister mınıstri.
Sonymen qatar, atqarylǵan jumystarǵa da toqtalyp ótti.
«Birinshiden, ishki ister organdarynyń uıymdastyrýshylyq-shtattyq qurylymy ońtaılandyryldy. Basshylyq laýazymyndaǵy qyzmetkerler 11% -ǵa qysqardy. Búgingi tańda 100 myń turǵynǵa shaqqandaǵy polıtsııa qyzmetkerleriniń sany boıynsha biz ortasha eýropalyq deńgeıdemiz», - dedi ol.
Ekinshiden, mınıstrdiń aıtýynsha, qyzmetkerlerge eńbekaqy tóleý jáne áleýmettik qorǵaý júıesi jaqsarýda. Birinshi kezeńde, 2019 jyldyń shildesinen bastap jalaqy 20-65% -ǵa kóterildi. Ekinshi kezeńde, 2021 - 2023 jyldary jalaqyny orta eseppen 30% kóterý josparlanyp otyr. Baspanany jalǵa alǵany úshin ótemaqy beriletin qyzmetkerlerdiń tizimi de keńeıtildi.
«Úshinshiden, kadrlardy irikteý jáne oqytý jetildirildi. Biz vedomstvolyq bilim berýdi ońtaılandyrdyq . ıAǵnı, 12 oqý ornynan 5 oqý ornyn qaldyrdyq. Tórtinshiden, qyrkúıek aıynda Memleket basshysynyń Jarlyǵymen azamattyq qorǵaý salasyndaǵy fýnktsııalar jańadan qurylǵan Tótenshe jaǵdaılar mınıstrligine berildi», - dedi Erlan Turǵymbaev.
Besinshiden, halyqpen jumys isteýdiń jańa formattary engizildi.
«Birinshi kezekte, ashyq dıalog uıymdastyryldy. Ol úshin biz buqaralyq aqparat quraldaryn, ınternet keńistigin, «Jolda qabyldaý» aktsııalaryn qoldanamyz. Azamattardy qabyldaýǵa barlyq jaǵdaı jasaldy. Búginde turǵyndardyń saýaldaryna jedel jaýap qaıtarylady», - dedi ishki ister mınıstri.
Qylmystyq-atqarý júıesin jańǵyrtý boıynsha, 2019 jyldyń mamyr aıynda halyqaralyq forým ótti. 2019 jyldyń 27 jeltoqsanynda qabyldanǵan Zań aıasynda birqatar ázirlengen sheshimder iske asyryldy, sottalǵandardyń quqyqtaryn jaqsartýǵa baǵyttalǵan 33 túzetýler engizildi.
«2014 jyldan bastap sottalýshylardyń azaıýyna baılanysty qylmystyq-atqarý júıesiniń 14 mekemesi taratyldy. Qazir biz Prezıdent Ákimshiligi men Qaýipsizdik Keńesi apparatynyń basshylyǵymen Memleket basshysynyń polıtsııa qyzmetin qyzmettik modelge aýystyrý týraly tapsyrmasy boıynsha jumys istep jatyrmyz», - dep atap ótti ishki ister mınıstri.