Erlan Turǵymbaev general Abısatovtyń qyzmetinen ketýine túsinik berdi
NUR-SULTAN. QazAqparat – QR Іshki ister mınıstri Erlan Turǵymbaev ІІM basshysynyń orynbasary general Mahambet Abısatovtyń qyzmetinen ketýine qatysty pikir bildirdi, dep habarlaıdy QazAqparat tilshisi.
«Ol qyzmetinen ketýge raport berdi. Biz onyń osy ótinishin qanaǵattandyrýǵa kelistik», - dedi E. Turǵymbaev Úkimet otyrysynan keıin tilshiler saýalyna jaýap bere otyryp.
Sonymen qatar mınıstr atalǵan qyzmetkerdiń jumystan ketýine ne sebep bolǵanyn túsindirdi.
«Bul máselede memlekettik qyzmetshiniń etıkasy buzyldy. Onyń aıtqan sózderi resmı emes jazbada jarııalandy. Biz oǵan qatysty eshqandaı sheshim shyǵarǵan joqpyz», -dedi vedomstvo basshysy.
Eske salsaq, buǵan deıin M. Abısatovtyń sózi jazylǵan aýdıofaıldar jelide taraǵan bolatyn. Bul taspada general qyzmetkerlerdiń jumysyn synap, balaǵat sózderdi aıtqanyn baıqaýǵa bolady.
Aıta keteıik, Mahambet Haıyrjanuly Abısatov Qazaqstan Respýblıkasy Іshki ister mınıstriniń orynbasary qyzmetine bıyl sáýirde taǵaıyndalǵan bolatyn.
