Erlan Turǵymbaev eńbegimen erekshelengen polıtseılerdi marapattady
Іshki ister mınıstri Erlan Turǵymbaev Memleket basshysynyń atynan eńbegimen erekshelengen qyzmetkerlerge nagradalardy tapsyrdy.
Vedomstvo basshysy jeke quramdy ulttyq mereke - Qazaqstan Respýblıkasynyń Táýelsizdik kúnimen quttyqtap, Tuńǵysh Prezıdent – Elbasy Nursultan Nazarbaevtyń saıasatynyń arqasynda bizdiń elimiz turaqtylyqty, tabysty jáne dáıekti damý men nyǵaıtýdyń úlgisin kórsetkenin atap ótti.
Osy jyldar ishinde qalyptasqan quqyq qorǵaý júıesi memleket pen onyń azamattarynyń turaqtylyǵy men qaýipsizdigin qamtamasyz etýdiń negizine aınaldy.
Qazirgi ýaqytta negizgi fýnktsııalarmen qatar, bizge karantın rejımin qamtamasyz etý boıynsha erekshe mindetter júktelgen. 50 myńǵa jýyq polıtsııa qyzmetkeri men Ulttyq ulannyń áskerı qyzmetshileri medıtsına qyzmetkerlerimen birge ózderine tán emes fýnktsııalardy sátti oryndap keledi.
«Búgin tabystalatyn marapattar - sizderdiń kásibı eńbekterińizdiń baǵasy ǵana emes, bul Memleket basshysy Q. K. Toqaevtyń ishki ister organdarynyń barlyq júıesiniń jumysyna bergen baǵasy. Biraq bul jáne jaýapkershiliktiń jańa deńgeıi bolyp sanalady. Biz el basshylyǵynyń joǵary senimi men halyqtyń úmitin aqtaý úshin barlyq bilimimiz ben tájirıbemizdi jumsaýymyz kerek», - dedi mınıstr Erlan Turǵymbaev.
Qyzmettik mindetterin atqarý kezinde qaza tapqan qyzmetkerlerdiń eńbegi de memlekettik marapattarmen baǵalandy. Mınıstr olardyń týystaryna arnaıy nagradalar tapsyrdy.
ІІ dárejeli «Aıbyn» ordenimen qaıtys bolǵannan keıin Ulttyq ulan Bas qolbasshysynyń burynǵy orynbasary Muhametqalı Satov pen Ulttyq ulan áskerı bólimderiniń biriniń medıtsına qyzmetiniń bastyǵy Marathan Ardan marapattaldy.
Memleket basshysynyń atynan Erlan Turǵymbaev Іshki ister organdarynyń ardagerlerine alǵys hattar tabys etti. Mınıstr óz sózinde qoǵam men memleket tarapynan polıtsııaǵa qoıylatyn talaptar artyp kele jatqan qazirgideı ýaqytta olardyń ómirlik jáne praktıkalyq tájirıbesi óte qundy ekenin atap ótti.
«Qoǵamnyń senimine tek kásibı biliktilik jáne óz mindetterine úlken jaýapkershilikpen qaraý, qyzmetkerlerdiń árbir adamnyń problemalaryna muqııat nazar aýdarý arqyly ǵana qol jetkizýge bolady. Jeke quram aldaǵy ýaqytta da óziniń qyzmettik boryshyn joǵary deńgeıde jáne janqııarlyqpen atqaratynyna senimdimin. Óıtkeni, árqaısymyz úshin quqyqtyq tártip pen zańdylyqty qorǵaý – bul jaı ǵana jumys emes, búkil ómirimizdi arnaıtyn isimiz», - dep atap ótti Erlan Turǵymbaev.
Mınıstr jeke quramǵa, ІІM ardagerlerine myqty densaýlyq, amandyq jáne jańa kásibı tabystar tiledi.
