Erlan Turǵymbaev: Elimizde ınternet arqyly jasalatyn alaıaqtyq sany ósken
NUR-CULTAN. QazAqparat - ІІM-de ishki ister organdary jumysynyń qorytyndysy shyǵarylǵan keńeıtilgen alqa otyrysy ótti. Bul týraly QazAqparat mınıstrliktiń baspasóz qyzmetine silteme jasap habaraıdy.
Jıynda eldegi qylmys deńgeıi tómendeýiniń oń dınamıkasy baıqalǵany atalyp ótildi.
Aýyr qylmystar, densaýlyqqa aýyr zııan keltirý, qaraqshylyq, tonaý, zorlaý, urlyq, mal urlyǵy, buzaqylyq sany azaıǵan. Kámeletke tolmaǵandar tarapynan oryn alǵan qylmystar 40%-ǵa, mas kúıinde jasalǵandary 20%-ǵa tómendegen, qoǵamdyq oryndarda jáne kóshelerdegi quqyq buzýshylyq sany úshten birge qysqarǵan.
Jıynda sóz alǵan Іshki ister mınıstri Erlan Turǵymbaev ınternet-alaıaqtyqtyń sany arta túskenine nazar aýdardy.
Basqosýda uıymdasqan qylmys pen esirtki bıznesine qarsy is-qımyl jónindegi jumystyń jaı-kúıi jeke qaraldy. Jyl basynan beri 2 tonnaǵa jýyq esirtki, onyń ishinde 41 kg sıntetıkalyq esirtki tárkilengen. Olardy óndirý boıynsha 10 esirtki zerthanasy joıyldy.
Alqa otyrysyna qatysqandar qoǵamdyq tártipti saqtaý máselelerine erekshe nazar aýdardy.
«Memleket basshysynyń tapsyrmasyna sáıkes ýchaskelik ınspektordyń mártebesin arttyrý jáne onyń tıimdi jumys isteýi úshin qajetti ókilettikterin keńeıtý boıynsha sharalar qabyldanýda. Aýyldyq jerlerde qyzmettik turǵyn úımen japsarlas ýchaskelik pýnktter salynýda. Óz rezervteri esebinen ýchaskelik polıtsııa qyzmetiniń shtaty qosymsha ulǵaıtylatyn bolady.
ІІM júıesinde 2021 jyl quqyq buzýshylyqtyń aldyn alý jáne «jurtqa jaqyn polıtsııa» qaǵıdatyn qamtamasyz etý jyly dep jarııalandy. Qalalarda 58 modýldik statsıonarlyq polıtsııa beketteri ornatyldy. Jalpy 5 jyl ishinde osyndaı 176 beket ornatý josparlanýda. Qoǵamdyq oryndar men avtojoldarda polıtsııany shuǵyl shaqyrý úshin «SOS» dabyl túımelerin ornatý pysyqtalýda» - dep atap ótti Erlan Turǵymbaev.
Alqa jumysy barysynda óńirlik polıtsııa departamentteri men qylmystyq-atqarý júıesiniń birqatar basshylarynyń esebi tyńdaldy.
Vedomstvo basshysy búginde jeke quramdy áleýmettik qorǵaýdy jaqsartý boıynsha teńdessiz sharalar qabyldanǵanyn atap ótti. Jalaqyny kóterý múmkindikteri qarastyrylǵan. Turǵyn úıdi jaldaý úshin ótemaqy alýǵa quqyǵy bar laýazymdar tizbesi keńeıtildi. Áskerı qyzmetshilerge uqsas turǵyn úı tólemderi tetigin kózdeıtin zań qabyldandy.
«Qyzmet atqarý úshin qajetti jaǵdaılar jasalýda. Memleket basshylyǵynyń senimin aqtaý kerek. Árbir polıtseıdi bul adal jumys isteýge yntalandyrady. Bizge júktelgen jaýapkershilikti túsinip, saýatty jáne adal jumys isteýimiz kerek», - dedi Erlan Turǵymbaev.
Alqa jumysyn qortyndylaý kezinde Mınıstr aldaǵy kezeńge arnalǵan mindetterdi aıqyndady.
Sonyń biri – jaıaý patrýlderdiń, sonyń ishinde zamanaýı tehnologııalardy paıdalana otyryp, qyzmet atqarýynyń tıimdiligin arttyrý.
Quqyq buzýshylyqtardyń aldyn alýdy kúsheıtý jáne halyq úshin ýchaskelik polıtsııa ınspektorlarynyń qoljetimdiligin qamtamasyz etý basym baǵyt bolyp tabylady.
Budan ári Erlan Turǵymbaev jol ınfraqurylymyn jaqsartý úshin ákiletti organdarmen birlesip, jol qozǵalysy qaýipsizdigin baqylaýdy kúsheıtýdi jáne tıisti sharalar qabyldaýdy tapsyrdy.
Ol óz sózinde qazirgi karantın jaǵdaıynda kóshi-qonǵa senimdi baqylaýdy qamtamasyz etý máselesi asa mańyzy ekenin atap ótti.
Sondaı-aq urlyqtyń, onyń ishinde ІІM-niń 2021-2023 jyldarǵa arnalǵan múlikti qorǵaý jónindegi baǵdarlamasyn iske asyrý sheńberinde mal urlyǵynyń, sonymen birge aqparattyq tehnologııalar kómegimen jasalatyn alaıaqtyqtyń aldyn alý boıynsha sharalar ázirleý qajettigin jınalǵandardyń qaperine saldy.
Mınıstr sondaı-aq, jeke quram arasynda zańdylyq pen tártiptiń saqtalýyna, kadr saıasatyn jetildirýge, qoǵam men halyqtyń úmitine sáıkes keletin «jańa formattaǵy» polıtsııa qyzmetkerin qurýǵa erekshe nazar aýdardy.
«ІІM polıtsııa departamenti men qylmystyq-atqarý júıesiniń árbir bastyǵynyń qyzmetin baǵalaý krıterıılerin ázirleýge kiristi. Onda halyqtyń senim deńgeıi, qoǵammen ózara is-qımyl jáne jeke quram arasyndaǵy sybaılas jemqorlyqqa qarsy is - qımyl mindetti túrde eskeriletin bolady», - dep atap ótti vedomstvo basshysy.
