Erlan Turǵymbaev: Tsıfrlyq tehnologııalar Qazaqstandyq polıtsııanyń jedeldigin arttyrýda
Vedomstvo basshysyna ýchaskelik pýnktter men statsıonarlyq beketterdiń jabdyqtalýy kórsetildi. Mınıstr jergilikti atqarýshy organdardyń polıtsııa qyzmetkerlerine qyzmet atqarý úshin qajetti jaǵdaı jasaýǵa qoldaý bildirip jatqanyna oń baǵa berdi.
«Qazirgi zamanǵy tehnologııalyq ázirlemelerdi kúndelikti polıtsııa qyzmetinde keńinen paıdalaný - Memleket basshysynyń ishki ister organdarynyń aldyna qoıǵan basty mindetteriniń biri. Bul quqyq buzýshylyqtardyń aldyn alýǵa jáne qylmystardy neǵurlym tez ashýǵa múmkindik beredi. Bul baǵyttaǵy jumysty jalǵastyrý kerek. Biz tsıfrlandyrý dáýirinde ómir súrip jatyrmyz jáne onyń áleýetin barynsha paıdalanýymyz kerek», - dedi ІІM basshysy.
El Prezıdentiniń tapsyrmasy boıynsha iske asyrylatyn «halyq únine qulaq asatyn memleket» tujyrymdamasy aıasynda halyq úshin qoljetimdilikti arttyrý maqsatynda Mınıstrlik «102 KZ» mobıldik qosymshasynyń kómegimen azamattardyń habarlamalaryn qabyldaýdyń jańa protsesin iske qosty. Búgingi tańda qosymshany paıdalanyp, búkil el boıynsha myńnan astam adam kómek aldy.
«Halyqty qylmystan qorǵaý, qaýipsiz jáne jaıly ómir súrý jaǵdaılaryn jasaý úshin halyqpen árdaıym baılanysta bolý, azamattarymyzǵa tónetin qaýiptiń aldyn alý óte mańyzdy. Sondyqtan aqparattyq-kommýnıkatsııalyq tehnologııalar qyzmettiń barlyq salasynda qoldanylatyn bolady», - dep atap ótti Erlan Turǵymbaev.
Batys Qazaqstan oblysyna jumys sapary barysynda mınıstr ishki ister organdary men Ulttyq ulannyń birqatar nysandaryn aralady. Olardyń qatarynda ýchaskelik polıtsııa pýnktteri men áskerı bólim bar.
Áskerı qyzmetshilermen kezdesý barysynda mınıstr Ulttyq ulan bólimsheleri qoǵamdyq qaýipsizdikti qamtamasyz etýde óńirdiń ishki ister organdary júıesiniń mańyzdy bóligi bolyp tabylatynyn atap ótti.
Oralda Erlan Turǵymbaev adam kóp jınalatyn jáne krımınogendi jerlerde ornatylǵan on jańa modýldi statsıonarlyq polıtsııa beketteriniń birin kórdi. Mınıstr polıtsııa narıadtarynda táýlik boıy qyzmet atqarý úshin qajettiniń bári bar ekenine kóz jetkizdi.
Sońynda ІІM basshysy Polıtsııa departamentiniń jeke quramymen kezdesip, óńirdegi qaýipsizdikti qamtamasyz etý boıynsha jańa mindetter qoıdy.
