Erlan Turǵymbaev Baıanaýyl ulttyq parkindegi órttiń mán-jaıyn aıtty
NUR-SULTAN. QazAqparat – QR Іshki ister mınıstri Erlan Turǵymbaev Baıanaýyl ulttyq parki aýmaǵyndaǵy órttiń mán-jaıyn aıtyp berdi, dep habarlaıdy QazAqparat tilshisi.
«Keshe órt boldy, ıaǵnı qurǵaq shóp tutanǵan. Osy oraıda órtke qarsy qaýipsizdik sharalary iske asyryldy. TJ komıteti jumyldyrylyp, ol jerge oblys ákimi de bardy. Órt aýyzdyqtalyp, sóndirildi. Ol jerge tikushaq tartyldy», - dedi E. Turǵymbaev Úkimet otyrysynan keıingi tilshiler saýalyna jaýabynda.
Onyń sózine qaraǵanda, jalyn sharpyǵan aýmaq 93 gektardy qurady.
Budan buryn habarlanǵandaı, Baıanaýyl ulttyq parkindegi alapat órttiń aýyzdyqtalǵany búgin tańerteń habarlanǵan bolatyn.
Oqys oqıǵadan eshkim zardap shekpegen. Qyzyl jalyndy sóndirýge 90-nan astam adam jumyldyrylǵan.
