Erlan Turǵymbaev aýyl mektebinde ınteraktıvti sabaqqa qatysty

QYZYLJAR. QazAqparat – Іshki ister mınıstri Erlan Turǵymbaev Aqmola oblysynyń Tselınograd aýdany Qyzyljar aýylyndaǵy orta mektepke baryp, ustazdar men oqýshylardy jańa oqý jylynyń bastalýymen quttyqtap qaıtty, dep habarlaıdy QazAqparat tilshisi.

1 qyrkúıekke oraı uıymdastyrylǵan saltanatty jıynda Erlan Turǵymbaev Bilim kúni – árbir qazaqstandyq úshin de, búkil memleket úshin zor mańyzǵa ıe ekenin atap ótti. Onyń aıtýynsha, qazaqstandyq bilim júıesi turaqty túrde joǵary nátıjeni kórsetip keledi.

«Jańa oqý jyly árbir oqýshy men ustaz úshin tabysty bolsyn degen tilektemin. Árbirińizge shyǵarmashylyq tabys tileımin. Óz kúshterińiz men bilimderińizge senińizder. Sol kezde sizderge sáttilik serik bolady», - dedi Erlan Turǵymbaev.

Qyzyljardaǵy orta mektep Elbasy Nursultan Nazarbaevtyń «100 mektep, 100 aýrýhana» baǵdarlamasy aıasynda 2014 jyly esigin aıqara ashqan bolatyn. 300 oqýshyǵa arnalǵan bilim ordasy dál búgin 36 balany qabyldady.

Saltanatty jıynda mınıstrmen birge oqýshylardy orta mekteptiń dırektory Baýyrjan Qamıev quttyqtady.

Sharadan keıin Erlan Turǵymbaev mekteptiń synyptaryn aralap shyqty. ІІM basshysy ınformatıka kabınetin, eńbek pen tehnologııa synybyn kórdi. Al oqýshylar meımanǵa óz qolymen jasalǵan syılyqtardy tabys etti. Osydan keıin vedomstvo basshysy ınteraktıvti sabaqqa qatysty. Sabaq taqyryby jolda qaýipsizdik erejelerin saqtaýǵa qatysty boldy. Jıyn sońynda mınıstr bilim ordasyna «Sen bilesiń be?» entsıklopedııasyn syıǵa tartty.