Erlan Turǵymbaev Almaty mektepteriniń qaýipsizdigin tekserdi
Buǵan deıin, Іshki ister mınıstri bilim berý uıymdaryndaǵy oqýshylardyń qaýipsizdigin qamtamasyz etý jónindegi jedel keńeste ishki ister organdarynyń jáne aýmaqtyq polıtsııa departamentteriniń basshylaryna birqatar tapsyrma bergen bolatyn.
«Balalar – qoǵamnyń eń osal bóligi. Sondyqtan olardyń qaýipsizdigi árqashan basty nazarda. Jergilikti atqarýshy organdarmen, bilim berý uıymdarymen jáne azamattarmen birlesip, biz balalardyń mektepterde bilim alýy úshin barlyq qajetti sharalardy qabyldaýymyz kerek, al ata-analar olardyń qaýipsizdigi úshin alańdamaýy kerek», – dedi Erlan Turǵymbaev.
Taldaýdyń aralyq nátıjeleri týraly esep bere otyryp, Almaty qalalyq Polıtsııa departamentiniń basshysy Qanat Taımerdenov, tapsyrmalar sheńberinde bilim basqarmasymen birlese otyryp, shuǵyl túrde komıssııa qurylyp, qalanyń barlyq mektepterinde zertteý júrgizilgenin jáne birqatar nysandarda beınebaqylaý kameralarynyń jetispeýshiligi, doǵaly metall detektorlarynyń, dabyl batyrmalarynyń bolmaýy, sondaı-aq, mamandandyrylǵan kúzet boıynsha jetispeýshilikter bar ekenin atap ótti.
«Taldaý nátıjeleri boıynsha barlyq kemshilikterdi joıý jospary quryldy. Oqý oryndarynda ornatylǵan barlyq beınekameralar polıtsııa departamentiniń jedel basqarý ortalyǵyna qosylady», – dedi Qanat Taımerdenov.
