Erlan Turǵymbaev Almaty garnızonnyń qyzmetkerleri men ardagerlerin quttyqtady
«Táýelsizdik kúni qarsańynda Іshki ister mınıstri ardagerlerdi, Almaty garnızonynyń qyzmetkerlerin – polıtsııa jáne qylmystyq-atqarý júıesi departamentteriniń, qala kúzet qyzmetiniń, Almaty akademııasy men ІІM Kınologııalyq ortalyǵynyń ókilderin jáne Ulttyq ulannyń áskerı qyzmetshilerin marapattady. QR Prezıdentiniń Jarlyǵymen «Qazaqstan Respýblıkasynyń Táýelsizdigine 30 jyl« medalimen Almaty garnızonynyń 70-ten astam qyzmetkeri, sondaı-aq ishki ister organdary men Ulttyq ulannyń ardagerleri marapatqa ıe boldy. Birqatar qyzmetkerge úlgili qyzmet atqarǵany jáne qyzmettik boryshyn minsiz oryndaǵany úshin vedomstvolyq nagradalar, sondaı-aq merziminen buryn ataqtar berildi», - dedi Nurdildá Oraz Іshki ister mınıstrliginiń baspasóz qyzmeti alańynda ótken brıfıng barysynda.
Onyń aıtýynsha, Erlan Turǵymbaev memlekettiń turaqtylyǵyn, azamattardyń qaýipsizdigi men zańdy múddelerin qamtamasyz etýde mınıstrlik ardagerleriniń atqaratyn róli erekshe ekenin atap ótti. Sondaı-aq ol ardagerlerge ishki ister organdary júıesiniń qalyptasýy men damýyna, jas mamandardy tárbıeleýge qosqan úlesteri úshin alǵys aıtty.
«Eldiń damý kezeńderinde ishki ister organdaryna mańyzdy ról berildi. Bizdiń árqaısymyz azamattardyń tynyshtyǵyn qorǵaý, olardyń qaýipsizdigin qamtamasyz etý – bizdiń kásibı paryzymyz ekenin túsinýge mindettimiz. Elimizdiń ishki qaýipsizdigi bizdiń júıemizdiń jáne onyń árbir qyzmetkeriniń qyzmet nátıjelerine baılanysty», – dep atap ótken Erlan Turǵymbaev.
