Erlan Turǵymbaev Aqtaýdaǵy túrmeni aralap, sottalýshylardyń aryz-shaǵymyn tyńdady
ІІM basshysy sapar barysynda qoǵamdyq baqylaý komıssııasy ókilderimen birge GM 172/6 asa joǵary qaýipsizdik mekemesinde boldy. Bul kolonııada aýyr jáne asa aýyr qylmys jasaǵan 500 sottalýshy jazasyn óteýde.
ІІM basshysy sottalǵandarǵa turmystyq, medıtsınalyq-sanıtarlyq kómek kórsetý jaǵdaıyn tekserdi. Atalǵan mekemede jazasyn óteýshilerdiń jumys istep, eńbekaqy tabýǵa múmkindigi bar.
«Aıyna 20 myńnan 50 000 teńgege deıin tabys tabamyz, aqshamyzdy týysqandarymyzǵa jiberip kómektesemiz. Birqatary elektrmen dánekerleý, kelesi bireýi jıhaz, matras jasaıdy. Jumys kıimderin de tigemiz. Barlyq jaǵdaı jasalǵan, eshqandaı shaǵymymyz joq», - deıdi sottalǵandardyń biri.
Sottalǵandar mınıstrmen áńgime barysynda tamaq sapasynyń jaqsarýyna ǵana emes, sálem-saýqatty ótkizý kólemin 14 keliden 20 kelige deıin arttyrǵany jáne telefonmen sóılesý ýaqytynyń 21:00-ge deıin uzartylǵany úshin alǵys aıtty.
Budan soń mınıstr mekemedegi sottalǵandardy jeke suraqtarymen qabyldady. Qabyldaý barysynda olar vedomstvo basshysyna óz ótinishterin aıtyp, suraq qoıdy.
Jumys sapary barysynda ishki ister mınıstri Aqtaý qalasy polıtsııa basqarmasynyń front-ofısiniń jáne «bir tereze» qaǵıdasymen jumys isteıtin Kóshi-qon qyzmeti ortalyǵynyń jumysymen tanysty. Kóshi-qon qyzmeti ortalyǵynda sheteldikterge JSN rásimdeýden bastap, azamattyq alǵanǵa deıin eńbek etý úshin ruqsat berý boıynsha tolyq qyzmet spektri kórsetiledi.
Ortalyqta polıtsııa tarapynan halyqqa usynylatyn qyzmetterdi alýǵa bolady. Atap aıtqanda qarý tirkeý jáne ony saqtaýǵa ruqsat berý, kúzet qyzmeti úshin lıtsenzııalar, gaz qural-jabdyqtaryn ornatýǵa ruqsat berý jáne ákimshilik aıyppul tóleý jáne basqalar.
ІІM basshysy qalanyń teńiz jaǵalaýynda qoǵamdyq qaýipsizdikti qamtamasyz etetin «Kaspıı» statsıonarlyq polıtsııa beketine bardy. Uzyndyǵy 11 shaqyrym bolatyn qumdy jaǵalaýdy patrýldeý jol talǵamaıtyn elektrokarlar men kvadrotsıklderdiń kómegimen júzege asyrylady.
Erlan Turǵymbaev polıtsııa, TJ jáne QAJ departamentteriniń basshylyǵymen jáne jeke quramymen kezdesý ótkizip, 9 aıdaǵy jumystyń qorytyndysyn shyǵardy.
Іshki ister organdarynyń birqatar qyzmetkerleri adal qyzmetteri úshin «Іshki ister organdarynyń úzdigi» keýde belgisimen, sondaı-aq gramotalarmen jáne alǵys hattarmen marapattaldy.
