Erlan Turǵymbaev AQSh elshisi Ýılıam Mozermen kezdesti

NUR-SULTAN. QazAqparat – Іshki ister mınıstri Erlan Turǵymbaev AQSh-tyń Qazaqstandaǵy ókiletti elshisi Ýılıam Mozermen kezdesti, dep habarlaıdy QazAqparat QR ІІM baspasóz qyzmetine silteme jasap.

Taraptar mamandardy daıarlaý salasyndaǵy ózara is-qımyldyń joǵary deńgeıin atap ótti. Jańa qaýip-qaterlerge, ınternet-alaıaqtyqqa jáne esirtkiniń zańsyz aınalymyna qarsy is-qımyldaǵy yntymaqtastyq máseleleri talqylandy. Sonymen qatar, vedomstvo basshysy amerıkalyq tarapqa ishki ister organdaryn reformalaý salasynda qabyldanyp jatqan sharalar, sonyń ishinde penıtentsıarlyq júıeni jańǵyrtý týraly aıtyp berdi.

Ýılıam Mozer Qazaqstan ІІM-niń adam saýdasyna qarsy kúres jáne adam quqyqtaryn saqtaý salasyndaǵy oń jetistikterin atap ótti. Sondaı-aq, taraptar Esirtkini baqylaý jáne quqyqtyq tártipti qamtamasyz etý salasyndaǵy ózara túsinistik týraly úkimetaralyq memorandýmdy iske asyrýdyń qorytyndylaryn shyǵardy. Kezdesýde memorandýmnyń qosymsha hattamasyna qol qoıyldy, onda kıberqylmyspen, esirtki bıznesimen jáne alaıaqtyqpen kúres salasyndaǵy ózara is-qımyldy keńeıtý kózdelgen. Kezdesý sońynda taraptar qylmysqa qarsy kúres salasyndaǵy jemisti yntymaqtastyqty odan ári damytýǵa senim bildirdi.