Erlan Tasmaǵambetov batýttaǵy gımnastıkadan qola medal enshiledi
ASTANA. KAZINFORM — Qazaqstandyq sportshy Erlan Tasmaǵambetov batýttaǵy gımnastıkadan Aıchı-Nagoıada (Japonııa) ótip jatqan Azııa oıyndarynda jeńis tuǵyryna kóterildi.
Otandasymyz sýperfınalda el namysyn qorǵady. Nátıjesinde Erlan tóreshilerdiń sheshimimen 54.69 upaı jınap, úshinshi oryn aldy.
Qytaılyq ıAn Lanıýı jarysta top jardy - 65.09. Onyń otandasy Van Tszysaı kúmis medalǵa ıe boldy - 63.83.
Buǵan deıin Roman Barkov fınalda segizinshi oryn alyp, sýperfınalǵa óte almaǵan edi.
Aıta keteıik, ıAsmına Toqsanbaeva jeńil atletıkadan áıelder arasynda sporttyq júristen marafon qashyqtyqty 3 saǵat 22 mınýt 20 sekýnda baǵyndyryp, márege birinshi bolyp jetti. Osylaısha ol Qazaqstanǵa toǵyzynshy altyndy syılady.
Al qazaqstandyq sportshy Alfııa Tilekqabyl para dzıýdodan álem chempıony atandy.
