Erlan Sydyqov: Jańa álemdegi jańa Qazaqstannyń óristi óresi
«Elbasynyń Ult tarıhyndaǵy keńistik pen ýaqyt ólshemine, tarıhı sanany jańǵyrtý jaıyna erekshe toqtalýy qoǵamymyzdyń jańa belesin, jaýapty dáýirge qadam basqanyn ańǵartady. Biz aldymen qazirgi kúrdeli zamandaǵy álem men eldiń jasampazdyq kúres qaǵıdasynyń arǵy bastaýynan, qıly jolynan sabaq alyp, ozyǵy men ónegesin boıymyzǵa sińirýimiz kerek», - dedi ýnıversıtet basshysy.
Onyń atap ótýinshe, Ult kóshbasshysy budan burynǵy eńbekterinde tutas qoǵamnyń jáne Qazaqstannnyń árbir azamatynyń sanasyn jańǵyrtýdyń bir¬neshe baǵy¬tyn atap ótken bolatyn. Máselen: básekelik qabilet, pragmatızm, ulttyq biregeılikti saqtaý, bilimniń saltanat qurýy, evolıýtsııalyq damý, sananyń ashyqtyǵy syndy jańashyl uǵymdardyń, ómir súrý qaǵıdattarynyń mánine toqtalǵan-dy.
«Memleket basshysynyń jańa maqalasy - ulttyq abyroı bastaýyn nusqaıtyn, eldi ónege órisine bastaıtyn jol, jańǵyrǵan Qazaqstannyń baıandy baǵdary. Maqaladaǵy súbeli oılar qatarynda ult tarıhyndaǵy keńistik pen ýaqyt, atqa miný mádenıeti, uly daladaǵy ejelgi metallýrgııa, ań stıli, altyn adam, túrki áleminiń besigi, Uly Jibek joly, alma men qyzǵaldaq otany uǵymynyń máni, sonymen qatar tarıhı sanany serpiltý maqsatyndaǵy «Arhıv-2025», «Uly dalanyń uly esimderi», «Túrki áleminiń genezısi», «Uly dalanyń ejelgi óner jáne tehnologııalar mýzeıi», «Dala folklory men mýzykasynyń myń jyly», «Tarıhtyń kıno óneri men televızııadaǵy kórinisi» sekildi ulttyq jobalar men ıdeıalardyń qoǵam talqysyna salynýynyń jáne atqarýshy bılikke tapsyrylýynyń jóni de, júıesi de aıryqsha. Bul - álem tanyǵan eldiń arǵy tarıhy áleýetin ańǵartý. Bul - jańa álemdegi jańa Qazaqstannyń óristi óresi», - dedi Erlan Sydyqov.
