Erlan Shoıtymov «Ertis» fýtbol klýbynyń bas bapkeri bolyp taǵaıyndaldy
PAVLODAR. KAZINFORM - Pavlodarlyq «Ertis» fýtbol klýbyna jańa bas bapker taǵaıyndaldy. Bul qyzmetti Erlan Shoıtymov atqaratyn boldy.
Jańa bas bapkerdi taǵaıyndaý týraly resmı aqparat fýtbol klýbynyń Instagram-daǵy paraqshasynda jarııalandy.
46 jastaǵy otandyq mamanmen resmı kelisimshart jasaldy. Erlan Shoıtymov – burynǵy kásibı fýtbolshy. Ol oıynshy retindegi mansabyn 1999 jyly bastap, Qyzylordanyń «Qaısar» klýby sapynda Qazaqstan kýbogyn jeńip alǵan.
- Erlan Shoıtymov «Qaısar» klýby quramynda 101 match ótkizip, 4 gol soqty. Sondaı-aq «Aqtóbe» sapynda 82 kezdesýge qatysyp, 4 márte mergendigimen kózge túsken. Oıynshy mansabyn aıaqtaǵan soń bapkerlikke aýysyp, assıstentten bas bapkerge deıingi joldan ótti, – dep habarlady «Ertis» klýbynan.
Ol buǵan deıin «Jetisaı», «Baıqońyr», «ıAssy» jáne «Qaısar» sııaqty ujymdarda bapkerlik qyzmet atqarǵan. Pavlodarlyq klýbqa kelgenge deıin Aqtaýdyń «Kaspıı» komandasyn jattyqtyrdy.
Eske sala keteıik, bıyl «Ertis» fýtbol klýbynda úshinshi bas bapker qyzmetinen ketti.
