Erlan Serikjanov dzıýdodan Álem chempıonatynyń fınalynda jeńilip qaldy
ASTANA. QazAqparat - Qazaqstandyq dzıýdoshy Erlan Serikjanov Bakýde ótip jatqan dzıýdodan Álem chempıonatynyń fınalynda jeńilip qaldy, dep habarlaıdy «SPORTINFORM» SAA tilshisi.
66 kelige deıingi salmaq dárejesinde óner kórsetetin Erlan fınalǵa deıin Mozambıkten kelgen Djýnıor Karlosty, ızraıldik Barýh Shmaılovty, moldovalyq Vadım Býneskany, Mońǵolııadan kelgen Kerlen Gandboldty jáne ızraıldik Tala Flıkkerdi jeńgen bolatyn.
Qazaqstandyq aqtyq synda 2017 jyldyń álem chempıony atanǵan japondyq Hıfýmı Abemen kezdesti.
Abe kúresti agressıvti túrde bastap, alǵashqy mınýtta ıpponmen jeńiske jetti.
Osylaısha, Erlan Serikjanov Álem chempıonatynyń kúmis júldegeri atandy. Buǵan deıin Qazaqstannan Maksım Rakov (2009) pen Eldos Smetov (2015) úzdik oıyn kórsetken edi.
Keshe «qola» medaldi Otgontsetseg Galbadrah ıelendi.
