Erlan Saıyrov qymbatshylyq týraly: Halyq monshaǵa eki aptada bir ret qana baryp júr

ASTANA. QazAqparat – Amanat partııasy fraktsııasynyń halyq tabysyn arttyrý baǵdarlamasy talqylaǵan jıynynda depýtat Erlan Saırov turǵyndardyń ál-aýqatyn jalpi ishki ónimmen ólsheý orynsyz degen pikir aıtty, dep habarlaıdy QazAqparat tilshisi.

«Bul óte mańyzdy másele. Osy óte mańyzdy máselege halyq sený úshin eń birinshi bizdiń sózimiz ben anaý bazardaǵy baǵasy sáıkes kelýi kerek. Meniń oıymsha, osyndaı kezdesýdiń aldynda Úkimet músheleri mindetti túrde bazarǵa baryp shyǵýy kerek. Búgingi tańda Qazaqstannyń ishki jalpy ónimi 3,2 paıyz ósti dep aıtasyzdar. Biraq Qazaqstandaǵy ınflıatsııa 20 paıyz ósti ǵoı. Kórshilerimiz Qyrǵyzstanda ınflıatsııa 14 paıyz. Ózbekstanda 12 paıyz, Reseıde 11 paıyz», - dedi Erlan Saırov.

Sondaı-aq, ol halyqtyń tabysy túskenin monshaǵa barýynan-aq baıqaýǵa bolatynyn aıtty.

«Men ózim bazarǵa «Artem» bazary men «Small»-ǵa baramyn. Qurmetti áriptester adamdar kúnde tutynatyn nan, maı, makaron, kúrish 80 paıyz ósip ketti ǵoı. Osyny biz nege aıtpaımyz? Jigitter, men «Keremet» degen monshaǵa baram. Osy kezde halyq jetisine bir emes, eki jetide bir ret monshaǵa baratyn bolǵan. Óıtkeni halyqtyń tabysy tómendep ketti. Áriptester, biz osyndaı áńgime aıtqannyń ornyna búgingi ındkatorlardy ózgertý kerek. Sizderdiń ındıkatorlaryńyz durys emes. Іshki jalpy ónim Qazaqstan halqynyń ál-aýqatynyń ındıkatory bola almaıdy. Negizgi ındıkator – úı sharýshalyqtarynyń tabysy», - dedi depýtat.